សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ បុរសម្នាក់បើករថយន្តកូរ៉េដឹកសម្ភារក្មេងលេងបានទាក់ និងខ្សែភ្លើងបណ្តាលឲ្យបាក់បង្គោលភ្លើងអស់មួយដើមសង្កត់លើរថយន្តតែម្តង ។
ហេតុការណ៍នេះបានកើតឡើងកាលពីវេលាម៉ោង១១ព្រឹកថ្ងៃអង្គារ ១៣រោច ខែបឋមាសាឍ ឆ្នាំច សំរឹទ្ធិស័ក ព.ស ២៥៦២ ត្រូវនឹងថ្ងៃទី១០ ខែកក្កដា ឆ្នាំ២០១៨ នៅផ្លូវលំ ភូមិព្រៃទា សង្កាត់ចោមចៅទី៣ ខណ្ឌពោធិ៍សែនជ័យ រាជធានីភ្នំពេញ ។
តាមសាក្សីនៅកន្លែងកើតហេតុបានឲ្យដឹងថា មុនពេលកើតហេតុគេបានឃើញរថយន្តកូរ៉េមួយគឿង ពណ៍ស ពាក់កំពត 2A 0274 ដែលដឹកសម្ភារក្មេងលេង (កន្ត្រក សេះហោះ)បើកចូលក្នុងភូមិស្រាប់តែទាក់ និងខ្សែភ្លើងបណ្តាលឲ្យទាញបង្គោកភ្លើងបាក់អស់មួយដើមសង្កត់ពីលើរថយន្តតែម្តង ។
យើងសង្កេតឃើញថាបង្គោលភ្លើងខាងលើគឺមានតែបង្គោលដោយពុំមានបង្កប់ ដែលជាស្នូលកណ្តាលដើម្បីឲ្យរឹងមាំទើបងាយ និងបាក់បែបនេះ ។
ក្រោយពេលកើតហេតុសមត្ថកិច្ចមូលដ្ឋានបានចុះមកដល់ចំណុចកើតហេតុ និងទំនាក់ទំនងជំនាញមកយករថយន្តបង្កទៅរក្សាទុកនៅការិយាល័យចរាចរណ៍ជើងគោករាជធានីភ្នំពេញរង់ចាំដោះស្រាយតាមច្បាប់ ៕ សុខាសែនជ័យ
