សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ប្រជាពលរដ្ឋបានប្រទះឃើញក្របីមួយក្បាលដេកងាប់កណ្តាលវាលស្រែ បន្ទាប់ពីមេឃធ្លាក់ភ្លៀងធ្វើឲ្យដីស្រុតដួលបង្គោលភ្លើងធ្លាក់ខ្សែកាបជាប់ និងដីធ្វើឲ្យឆក់ក្របីងាប់តែម្តង ។
ហេតុការណ៍នេះបង្កការភ្ញាក់ផ្អើលកាលពីវេលាម៉ោង១០ និង២០នាទីព្រឹក ថ្ងៃព្រហស្បតិ៍ ៧កើត ខែទុតិយាសាឍ ឆ្នាំច សំរិទ្ធិស័ក ព.ស. ២៥៦២ ត្រូវនឹងថ្ងៃទី១៩ ខែកក្កដា ឆ្នាំ២០១៨ នៅក្នុងភូមិកាកាប សង្កាត់កាកាបទី២ ខណ្ឌពោធិ៍សែនជ័យ ។
តាមប្រភពព័ត៌មានបានឲ្យដឹងថាមុនពេលកើតហេតុម្ចាស់ក្របីបានដឹកក្របីមួយក្បាលយកមកចងឲ្យសុីស្មៅនៅកណ្តាលវាលស្រែលុះមកដល់វេលាកើតហេតុដោយសារតែមេឃធ្លាក់ធ្វើឲ្យដីស្រុត និងដួលបង្គោលភ្លើងមួយមកលើដីស្រែស្រាប់តែខ្សែកាប្តិ៍ប៉ះ នឹងដីដេលលាយឡំទឹកភ្លៀងធ្វើឲ្យឆក់ក្របីងាប់នៅកណ្តាលស្រែតែម្តង ។
ក្រោយកើតហេតុ ទើបភ្ញាក់ផ្អើលដល់ប្រជាពលរដ្ឋមកមើលឃើញដូចនេះ ក៏ទាក់ទងទៅមន្ត្រីអគ្គិសនីដើម្បីបិទចរន្តភ្លើង និងរាយការណ៍នគរបាលចុះពិនិត្យជាក់ស្តែងរួចប្រគល់ក្របីទៅឲ្យម្ចាស់យកទៅចាត់ចែងតាមការគួរ ៕ សុខាសែនជ័យ
