សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ កម្លាំងកងរាជអាវុធហត្ថក្រុងប៉ោយប៉ែត បានឃាត់ខ្លួនជនសង្ស័យម្នាក់ ក្រោយធ្វើសកម្មភាពលួចគាស់ផ្ទះប្រជាពលរដ្ឋយកម៉ូតូមួយគ្រឿងម៉ាកZoomerx បានសម្រេច ដែលប្រព្រឹត្តឡើងកាលពីវេលាម៉ោង៣និង៣០នាទីទៀបភ្លឺថ្ងៃពុធ ១៣កើត ខែទុតិយាសាឍ ឆ្នាំច សំរឹទ្ធិស័ក ព.ស. ២៥៦២ ត្រូវនឹងថ្ងៃទី២៥ ខែកក្កដា ឆ្នាំ២០១៨ នៅចំនុចភូមិមិត្តភាព សង្កាត់ក្រុងប៉ោយប៉ែត ខេត្តបន្ទាយមានជ័យ ហើយព្យាយាមរត់គេចខ្លួនតែគេចមិនផុតពីសមត្ថកិច្ចចាប់ក្របួចជាប់ ។
ករណីឃាត់ខ្លួនជនសង្ស័យខាងលើនេះ បានធ្វើឡើងកាលពីវេលាម៉ោង៩និង០០នាទីព្រឹកថ្ងៃ ពុធ ១៣កើត ខែទុតិយាសាឍ ឆ្នាំច សំរឹទ្ធិស័ក ព.ស២៥៦២ ត្រូវនឹងថ្ងៃទី ២៥ ខែកក្កដា ឆ្នាំ២០១៨ សង្កាត់.ក្រុងប៉ោយប៉ែត ខេត្តបន្ទាយមានជ័យ ។
ជនសង្ស័យឈ្មោះម៉ន សុខសាន្ត ភេទប្រុស អាយុ ២៥ឆ្នាំ ទីលំនៅមិនពិតប្រាកដ និងបានដកហូតវត្ថុតាង រួមមាន៖-ម៉ូតូ ម៉ាក់Zoomerx ពណ៍ស ទឹកក្រូច ផលិតឆ្នាំ២០១៧ ស្លាកលេខតាកែវ10=4909 ចំនួន០១គ្រឿង ,ទុល្វីសចំនួនមួយ ចំនួននមួយដើម , ពន្លាក (ដែកដាប់) ចំនួន០២ ដើម ។ ចំណែកជនរងគ្រោះឈ្មោះ ឈួន កំសាន្ត ភេទ ប្រុស អាយុ៤០ឆ្នាំ រស់នៅកន្លែងកើតហេតុខាងលើ ។
តាមប្រភពពីមន្រ្តីកងរាជអាវុធហត្ថក្រុងប៉ោយប៉ែត បានឲ្យដឹងថា ករណីឃាត់ខ្លួនចោរលួចខាងលើនេះ ដឹកនាំដោយលោកអនុសេនីយ៍ទោ ទ្រីពៅ បានស្រាវជ្រាវរហូតឈានទៅឃាត់ខ្លួនជនសង្ស័យខាងលើនេះ ហើយមុនពេលកើតហេតុ កាលពីវេលាម៉ោង៣និង៣០នាទីថ្ងៃទី២៥ ខែកក្កដា ឆ្នាំ២០១៨ នៅចំណុចភូមិមិត្តភាព សង្កាត់ក្រុងប៉ោយប៉ែត ខេត្តបន្ទាយមានជ័យ ជនសង្ស័យបានធ្វើសកម្មភាពប្រើទុល្វីស និងពន្លាក គាស់កញ្ចក់បង្អួចហើយចូលទៅក្នុងផ្ទះ លួចយកម៉ូតូបានសម្រេចហើយគេចខ្លួនបាត់មួយថ្ងៃក៏ត្រូវសមត្ថកិច្ចឃាត់ខ្លួនតែម្តង ។
បច្ចុប្បន្នជនសង្ស័យត្រូវ បានកម្លាំងអ.ហក្រុងប៉ោយប៉ែត កំពុងកសាងសំណុំរឿងចាត់ការតាមនីតិវិធីច្បាប់ ៕ សហការី
