សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ជនសង្ស័យចំនួន២នាក់ត្រូវបានសមត្ថកិច្ចឃាត់ខ្លួនយកទៅសាកសួរ បន្ទាប់ពីជននោះបានផ្លោះរបងចូលក្នុងក្រុមហ៊ុនខេ ខេ ស្តា លួចទ្រព្យសម្បត្តិ កាលពីវេលាម៉ោង២២និង៣០នាទី ថ្ងៃពុធ ១២រោច ខែទុតិយាសាឍ ឆ្នាំច សំរិទ្ធឹស័ក ព.ស ២៥៦២ ត្រូវនឹង ថ្ងៃទី៨ ខែសីហា ឆ្នាំ២០១៨ នៅចំណុច ក្រុមហ៊ុន ខេ ខេ ស្តា ក្នុងភូមិកាកាប សង្កាត់កាកាប២ ខណ្ឌពោធិសែនជ័យ ។
ជនសង្ស័យ ២នាក់ទី១ ឈ្មោះ យិន សូរិយា ភេទប្រុស អាយុ២០ឆ្នាំ ជនជាតិខ្មែរ មុខរបរ មិនពិតប្រាកដ ស្នាក់នៅ ផ្ទះលេខ៨២ ភូមិកាកាប សង្កាត់កាកាប២ ខណ្ឌពោធិសែនជ័យ ក្រុងភ្នំពេញ ។ ទី២ ឈ្មោះ ម៉ា ច័ន្ទសុភ័ក្រ ភេទប្រុស អាយុ២២ឆ្នាំ ជនជាតិខ្មែរ ស្នាក់នៅភូមិកាកាប សង្កសត់កាកាប២ ខណ្ឌពោធិសែនជ័យ ។ ចំណែកជនរងគ្រោះ ឈ្មោះ ឈុន ចន្ថា ភេទប្រុស អាយុ២៣ឆ្នាំ មុខរបរ ជាងជួសជុលរថយន្ត ស្នាក់នៅភូមិ សង្កាត់កើតហេតុ ។
សមត្ថកិច្ចបានដកហូត មាន ទូរស័ព្ទដៃ អាហ្វូន៦ មួយគ្រឿង កាបូបលុយ កូនបាស់ មួយគ្រឿង និងដែកសម្រាប់ ឆ្កឹះសោមួយ ។
សមត្ថកិច្ចបានឲ្យដឹងថា មុនពេលកើតហេតុ ខណៈដែលកម្លាំងល្បាតរបស់នគរបាលប៉ុស្តិ៍កាកាប២ ដើម្បីទប់ស្កាត់រាល់បទល្មើស ស្រាប់តែនៅវេលាម៉ោងខាង មានប្រជាពលរដ្ឋទីរស័ព្ទ ប្រាប់ មានជនសង្ស័យចូលក្នុងក្រុមហ៊ុនខេខេស្តា នៅភូមិកាកាប សង្កាត់កាកាប២ ខណ្ឌពោធិសែនជ័យ លុះកម្លាំងនគរបាលចុះទៅឃាត់ខ្លួនជនសង្ស័យចំនួន០២នាក់ នាំទៅសាកសួរនៅប៉ុស្តិ៍ និងត្រួតពិនិត្យ ឃើញដែក ឧបករណ៍សម្រាប់ឆ្កឹះសោ ។
បច្ចុប្បន្នជនសង្ស័យ បានឃាត់ខ្លួន សាកសួរនៅប៉ុស្តិ៍កាកាប២ ដើម្បីកសាងសំណុំរឿងបញ្ជូនខ្លួនទៅផ្នែកជំនាញ អនុវត្តន៍បន្តតាមនីតិវិធី ៕ សុខាសែនជ័យ
