សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ បុរសម្នាក់ដោយសារតែប្រើប្រាស់គ្រឿងញៀនដល់កម្រិតហើយបានបង្កហិង្សាអុកឡុកអ្នកភូមិ ត្រូវបានកម្លាំងនគរបាលឃាត់ខ្លួនកាលពីវេលាម៉ោង៣រសៀល ថ្ងៃពុធ ៤កើត ខែស្រាពណ៍ ឆ្នាំច សំរឹទ្ធស័ក ពស ២៥៦២ ត្រូវនឹងថ្ងៃទី១៥ ខែសីហា ឆ្នាំ២០១៨ ស្ថិតនៅក្នុងភូមិជម្ពូវ័ន្ត សង្កាត់ចោមចៅ៣ ខណ្ឌពោធិ៍សែនជ័យ រាជធានីភ្នំពេញ។
ជនបង្កដែលអុកឡុកអ្នកភូមិនោះមានឈ្មោះ សុខ សូវុត្ថ ភេទប្រុស អាយុ៣២ឆ្នាំ មុខរបរមិនពិតប្រាកដ ទីកន្លែងស្នាក់នៅមិនពិតប្រាកដ ស្នាក់នៅ ក្នុងភូមិជម្ពូវ័ន្ត សង្កាត់ចោមចៅ៣ ខណ្ឌពោធិ៍សែនជ័យ មានស្រុកកំណើតនៅ ភូមិគោកដូង ស្រុកកោះអណ្តែត ខេត្តតាកែវ ។
សមត្ថកិច្ចបានអោយដឹងថា ជនបង្កខាងលើនេះជាមនុស្សញៀនថ្នាំ កន្លងមកតែងតែអុកឡុកអ្នកភូមិច្រើនលើកច្រើនសារមកហើយ រហូតមកដល់ពេលនេះអ្នកភូមិទ្រាំលែងបានទើបរាយការណ៍ទៅសមត្ថកិច្ចឃាត់ខ្លួនតែម្តង។
ក្រោយពេលឃាត់ខ្លួនជនបង្កខាងលើសមត្ថកិច្ចបាននាំខ្លួនទៅកាន់ប៉ុស្តិ៍នគរបាលដើម្បីធ្វើសំណុំឯកសារអោយសង្កាត់ទំនាក់ទំនងទៅមន្ទីរសង្គមកិច្ចដើម្បីកែប្រែ៕ សុខាសែនជ័យ
