សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ ជនសង្ស័យម្នាក់ជិះម៉ូតូមួយគ្រឿងបានធ្វើសកម្មភាពឆក់ការបូបពីបុរសជនជាតិចិន២នាក់បានសម្រេចហើយគេចខ្លួនបាត់ដោយសុវត្តិភាពខណះកំពុងជិះរ៉ឺម៉កកង់បីបង្កការភ្ញាក់ផ្អើលកាលពីវេលាម៉ោង១០និង២០នាទីយប់ ថ្ងៃទី១៧ ខែកញ្ញា ឆ្នាំ២០១៨ ដែលស្ថិតនៅតាមបណ្ដោយផ្លូវបេតុង និងផ្លូវរថភ្លើង ភូមិក្បាលដំរី សង្កាត់កាកាប១ ខណ្ឌពោធិ៍សែនជ័យ ។
តាមរយះអ្នកបកប្រែបានឲ្យដឹងថា បុរសជនជាតិចិនទាំង២នាក់ជាផ្នែកពិព័រណ៍ពាណិជ្ជកម្មចិនអាស៊ានលើកទី១៥ សម្ភារដែលជនសង្ស័យឆក់កាបូបយួរមួយ ដោយនៅក្នុងនោះមានលុយដុល្លារចំនួនជាង៣ពាន់ដុល្លារ និងលិខិតឆ្លងដែនចំនួន២ ។
តាមប្រភពព័ត៌មានបន្តថា នៅមុនពេលកើតហេតុពួកគាត់ទាំង២នាក់បានចេញពីអូឡាំពិក ដោយជិះតាមរ៉ឺម៉កកង់បីមកមុខប្រលានយន្តហោះអន្តរជាតិភ្នំពេញ ដើម្បីមកសម្រាកនៅផ្ទះសំណាក់ពោធិចិនតុង លុះមកដល់មុនផ្ទះសំណាក់ខាងលើ គាត់បានចុះពីលើម៉ូតូរ៉ឺម៉កកង់បីភ្លាមៗដោយពួកគាត់ដៃកាន់កាបូប បន្ទាប់មកស្រាប់តែមានជនសង្ស័យម្នាក់ជិះម៉ូតូមួយគ្រឿងមិនចាំម៉ាកបានជិះឆក់កាបូបពីគាត់តែម្ដង ហើយជិះគេចខ្លួនបាត់ ។
ក្រោយពេលកើតហេតុជនរងគ្រោះបានទាក់ទងអ្នកបកប្រែភាសាចិន ដើម្បីទៅដាក់ពាក្យបណ្ដឹង នៅប៉ុស្តិ៍នគរបាលរដ្ឋបាល សង្កាត់កាកាបទី១ ខណ្ឌពោធិសែនជ័យ ដើម្បីឲ្យសមត្ថកិច្ចជួយអន្តរាគមន៍ ៕សុខាសែនជ័យ
