សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ រោងចក្រកាត់ស្បែកជើងមួយកន្លែង ត្រូវបានជនសង្ស័យលួចចូលហើយធ្វើសកម្មភាពលួចគាស់ទូដែក លួចយកលុយសរុប៣៤.៥០០ដុល្លារ បង្កការភ្ញាក់ផ្អើលកាលពីវេលាម៉ោង៦និង៣០នាទីព្រឹក នៅថ្ងៃទី ២៤ ខែកញ្ញា ឆ្នាំ២០១៨ ចំណុចរោងចក្រស្បែកជើង យីហោ ផាណាវ៉េ ផ្លូវបេតុង ក្រុម១ ភូមិស្រែជំរៅ សង្កាត់ចោមចៅទី២ ខណ្ឌពោធិ៍សែនជ័យ ។
ជនរងគ្រោះឈ្មោះ លី ភីង ភេទស្រី អាយុ៤១ឆ្នាំ ជនជាតិចិន មុខរបរអ្នកគ្រប់គ្រង រោងចក្រស្បែកជើង យីហោ ផាណាវ៉េ ស្នាក់នៅក្នុងរោងចក្រ ផាណាវ៉េ ភូមិស្រែជំរៅ សង្កាត់ចោមចៅទី២ ខណ្ឌពោធិ៍សែនជ័យ កាន់លិខិតឆ្លងដែនលេខ EA-9498541 ។ បាត់បង់លុយដុល្លារចំនួន ៣២.០០០$ (បីម៉ឺនដុល្លាអាមេរិក) លុយខ្មែរ ១០,០០០,០០០ (ដប់លាន)រៀល ។
ក្រោយពីភ្ញាក់ផ្អើលសមត្ថកិច្ចបានចុះទៅដល់ចំណុចកើតហេតុ រកឃើញ ស្នាមគាស់ព្រិលជញ្ជាំង១ប្រឡោះ បន្សល់ទុកអង្រឹង១ ខ្សែនីឡុង១ខ្សែ, ស្បែកជើងផ្ទាត់ចំនួន៣គូ, កាបូបស្ពាយ១ ពណ៌ក្រហម, ស្នាមរើកកាយចំនួន៦បន្ទប់ ។
បច្ចុប្បន្នសមត្ថកិច្ចកំពុងស្រាវជ្រាវរកជនសង្ស័យ ដើម្បីយកមកផ្តន្ទាទោសតាមច្បាប់ ៕ សុខាសែនជ័យ
