សារព័ត៌មាន នគរវត្ត តែងតែនាំមុខគេជានិច្ច
ខេត្តកំពង់ធំ៖ នៅវេលាម៉ោង១៦និង២៥នាទី ថ្ងៃចន្ទ១៤រោច ខែភទ្របទ ឆ្នាំច សំរឹទ្ធិស័ក ព.ស. ២៥៦២ ត្រូវនឹងថ្ងៃទី៨ ខែតុលា ឆ្នាំ២០១៨ មានករណីគ្រោះថ្នាក់ចរាចររវាងម៉ូតូបុកម៉ូតូក្នុងទិសផ្ទុយគ្នាតាមផ្លូវជាតិលេខ ២៦៤C ចំណុចភូមិភូមិទ្រៀល ឃុំទ្រៀល ស្រុកបារាយណ៍ ខេត្តកំពង់ធំ ។
សមត្ថកិច្ចបានឲ្យដឹងថា ករណីខាងលើនេះ បណ្តាលឲ្យរបួសធ្ងន់មនុស្ស៣នាក់ គឺម៉ូតូម៉ាកស្គុបពី ពណ៌ស លាយខៀវ ពាក់ស្លាកលេខ ភ្នំពេញ ១ BO ២៥៤៤ បើកបរដោយឈ្មោះ សឿង សល់ ភេទប្រុស អាយុ២៦ឆ្នាំ ភូមិតាប្រុកស្រែប្រាំង ឃុំស្រែប្រាំង ស្រុកចំការលើ ខេត្តកំពង់ចាម គ្មានមួក របួសបាក់ក្តោងច្រមុះបាក់ធ្មេញសន្លប់ ។
ខាងម៉ូតូ ម៉ាក C ១២៥ ពណ៌ខ្មៅ ពាក់ស្លាកលេខ ភ្នំពេញ ១AV៦១៩៨ បើកបរដោយឈ្មោះ ឃិត ពិសិដ្ឋ ភេទប្រុស អាយុ៣២ឆ្នាំ ភូមិស្ពឺ ឃុំស្ពឺ ស្រុកចំការ លើខេត្តកំពង់ចាម ពាក់មួក របួសបាក់ក្តោងច្រមុះបាក់ភ្លៅឆ្វេងសន្លប់ រីឯអ្នករួមដំណើរ ឈ្មោះ ឃា សាយ័ន ភេទស្រី អាយុ២៩ឆ្នាំ នៅភូមិ ឃុំជាមួយឈ្មោះ ឈិត ពិសិទ្ធិ មានពាក់មួករបួសបាក់កដៃឆ្វេង ។
សមត្ថកិច្ចបន្តទៀតថា មូលហេតុគ្រោះថ្នាក់ចរាចរណ៍ខាងលើនេះបង្កឡើងដោយអ្នកជិះម៉ូតូម៉ាកស្គុពី បើកបរក្នុងស្ថានភាពស្រវឹង និងមិនប្រកាន់ស្តាំ ។
ក្រោយកើតហេតុ សមត្ថកិច្ចបញ្ជូនជនរងគ្រោះទៅមន្ទីរពេទ្យ និងវាស់វែងធ្វើកំណត់ហេតុ ប្រមូលវត្ថុតាងយកទៅរក្សាទុកនៅអធិការដ្ឋានស្រុក រង់ចាំដោះស្រាយគ្នាតាមច្បាប់ ៕ ប៊ុនរិទ្ធី
