សារព័ត៌មាន នគរវត្ត តែងតែនាំមុខគេជានិច្ច
ខេត្តព្រះសីហនុ៖ កាលពីយប់រំលងអធ្រាត្រ ឆ្លងចូលថ្ងៃទី23 ខែវិច្ឆិកា ឆ្នាំ2018 វេលាម៉ោង1,05នាទី នៅ ក្រុម28ភូមិ3សង្កាត់1ក្រុង ព្រះសីហនុ មានករណីចោរកម្មចូលលួចរថយន្តមួយគ្រឿងម៉ាកTOYOTA FORTUNER ពណ៌ស ស្លាកលេខភ្នំពេញ 2BA -2718 សេរី2017 ។
របាយការណ៍សមត្ថកិច្ចកងរាជអាវុធហត្ថឲ្យដឹងថា ជនសង្សយ័ ដែលធ្វើសកម្មភាពលួចរថយន្តនេះ ឈ្មោះឡាយ សុផុន ភេទប្រុស អាយុ29ឆ្នាំ(ខ្មែរ) ជាកម្មករនៅក្នុងផ្ទះ ម្ចាស់រថយន្ត ឈ្មោះគឹម ហៀង ភេទប្រុស អាយុ45ឆ្នាំ(ខែ្មរ)ធ្វើការនៅអង្គភាពយោធា រស់នៅក្រុម28ភូមិ3សង្កាត់1 ក្រុងព្រះសីហនុ ហើយជនល្មើសធ្វើសកម្មភាពពេលម្ចាស់ផ្ទះជាប់រវល់ទៅប្រទេសវៀតណាម ។
បើតាមរបាយការណ៍របស់សមត្ថកិច្ចដ៍ ដែលបញ្ជាក់ថា ក្នុងហេតុការណ៍នេះមានស្ត្រីម្នាក់ឈ្មោះ ជា សៀរ អាយុ55ឆ្នាំ(ខ្មែរ) ជាកម្មករនៅក្នុងផ្ទះនេះដូចគ្នា ត្រូវជនល្មើសចងដៃ ជើង បិទមាត់នៅក្នុងផ្ទះផងដែរ ។
សម្ភារបាត់បង់រួមមាន៖ រថយន្តមួយគ្រឿងម៉ាកTOYOTAFORTUNER ពណ៌ស ស្លាក លេខ ភ្នំពេញ 2BA -2718, អាវុធខ្លីម៉ាកAZ លេខ2075 1ដើម និងបាត់លុយដុល្លា និងលុយខ្មែរមួយចំនួន ។
ករណីនេះសមត្ថកិច្ចមាននគរបាល និងកងរាជអាវុធហត្ថ កំពុងស្រាវជ្រាវបន្តតាមនីតិវិធី ៕ ឆ្លាម សមុទ្រ
