ឃាត់ខ្លួនមនុស្សប្រុសស្រី៨នាក់ ពីបទលួច និងទទួលផលចោរកម្ម

ភ្នំពេញ៖ កម្លាំងប៉ុស្តិ៍នគរបាលរដ្ឋបាលគោករកាបានឃាត់ខ្លួនជនសង្ស័យចំនួន០៨នាក់ ក្នុងករណីលួចកាច់កម៉ូតូ និងទទួលផលចោរកម្មហើយកាន់កាប់អាវុធដោយគ្មានការអនុញ្ញាត ។

ក្នុងកិច្ចប្រត្តិបត្តិការណ៍ចាប់ឃាត់ខ្លួនជនសង្ស័យទាំងនោះបានធ្វើឡើងកាលពីថ្ងៃសៅរ៍២រោច ខែកត្តិក ឆ្នាំ ច សំរឹទ្ធិស័ក ព.ស២៥៦២ ត្រូវ និងថ្ងៃទី២៤ខែវិច្ឆិកា ឆ្នាំ ២០១៨វេលាម៉ោង១៧ និង៣០នាទីនៅត្រង់ចំណុចផ្ទះគ្មានលេខផ្លូវបេតុងភូមិអណ្តូង សង្កាត់ គោករកាខណ្ឌព្រែកព្នៅ រាជធានីភ្នំពេញ ។

យោងតាមរបាយការណ៍សមត្ថកិច្ចបានឲ្យដឹងថា ជនសង្ស័យដែលឃាត់ខ្លួនទាំង៨នាក់មាន ឈ្មោះ ១. ឈ្មោះ នង រិទ្ធីយ៉ា ភេទ ប្រុស អាយុ១៩ ឆ្នាំ ជនជាតិខ្មែរមុខរបរមិនពិតប្រាកដមានទីលំនៅ ផ្ទះលេខ៩១ ផ្លូវបេតុង ភូមិ អណ្តូង សង្កាត់ គោកាករ ខណ្ឌព្រែកព្នៅ ២. ឈ្មោះ ថុន គីមហុង ភេទ ប្រុសអាយុ២១ ឆ្នាំ ជនជាតិខ្មែរមុខរបរមិនពិតប្រាកដមានទីលំនៅភូមិត្រពាំងទទឹង សង្កាត់ ពន្សាំង ខណ្ឌព្រែក ៣. ឈ្មោះ ខេម ម៉ៅ ភេទ ប្រុស អាយុ១៨ ឆ្នាំ ជនជាតិខ្មែរមុខរបរមិនពិតប្រាកដមានទីលំនៅភូមិអណ្តូង៤ សង្កាត់ គោករកា ៤. ឈ្មោះ នួនពៅ ភេទ ប្រុសអាយុ២១ ឆ្នាំ ជនជាតិខ្មែរ មុខរបរមិនពិតប្រាកដមានទីលំនៅភូមិដីអំពិល ឃុំ ត្រែងត្រយឹង ស្រុក ភ្នំស្រួច ខេត្ត កំពង់ស្ពឺ ៥. ឈ្មោះ នួន សំណាង ភេទ ប្រុសអាយុ២៥ ឆ្នាំ ជនជាតិខ្មែរមុខរបរមិនពិតប្រាកដមានទីលំនៅភូមិដីអំពិល ឃុំ ត្រែងត្រយឹង ស្រុក ភ្នំស្រួច ខេត្ត កំពង់ស្ពឺ ៦. ឈ្មោះ ហ៊ុលរស្មី ភេទ ប្រុស អាយុ២១ ឆ្នាំ ជនជាតិខ្មែរមុខរបរមិនពិតប្រាកដមានទីលំនៅភូមិស្វាយឧត្តម សង្កាត់ ពន្សាំង ខណ្ឌព្រែកព្នៅ ៧. ឈ្មោះ នួន រ៉ាវី ភេទ ប្រុស អាយុ១៨ ឆ្នាំ ជនជាតិខ្មែរ មុខរបរមិមពិតប្រាកដមានទីលំនៅផ្ទះជួលគ្មានលេខភូមិអណ្តូង៦ សង្កាត់ គោករកា ខណ្ឌព្រែកព្នៅ ៨. ឈ្មោះ រុំ ភារៈ ភេទ ប្រុស អាយុ២៥ ឆ្នាំ ជនជាតិខ្មែរមុខរបរមិនពិតប្រាកដមានទីលំនៅភូមិអង្គតាកូវ សង្កាត់ គោករកា ខណ្ឌព្រែកព្នៅ ។

តាមរបាយការណ៍បានបញ្ជាក់ថាសម្ភារៈដែលដកហូតបានមាន ម៉ូតូម៉ាកហុងដាC110ណ៌ខ្មៅ ពាក់ស្លាកលេខ ភ្នំពេញ 1BF-1947ចំនួន០១គ្រឿង ២.ម៉ូតូម៉ាកហុងដា C125 ពណ៌ ខ្មៅពាក់ស្លាកលេខភ្នំពេញ 1CY-2052ចំនួន ០១គ្រឿង៣.ម៉ូតូម៉ាកហុងដា C125 ពណ៌ ខ្មៅគ្មានស្លាកលេខ ចំនួន ០១គ្រឿង ៤.ម៉ូតូម៉ាក ស៊ុយសូគីនិច ពណ៌ ស+ខ្មៅពាក់ស្លាកលេខ ភ្នំពេញ 1F-9340 ចំនួន ០១គ្រឿង ៥.ដាវកែច្នៃចំនួន ០១ដើម ៦.ស្លាកលេខម៉ូតូ ដែលមានលេខភ្នំពេញ1C-3077ចំនួន០១សន្លឹក៧.ទូរស័ព្ទចំនួន ០៥គ្រឿង ។

សមត្ថកិច្ចបញ្ជាក់ថា នៅថ្ងៃសៅរ៍ ២រោច ខែកត្តិក ឆ្នាំ ច សំរឹទ្ធិស័ក ព.ស ២៥៦២ ត្រូវ នឹងថ្ងៃទី២៤ ខែវិច្ឆិកា ឆ្នាំ ២០១៨មុខពេលកើតហេតុកម្លាំងប៉ុស្តិ៍នគរបាលរដ្ឋបាលគោករកាបានចេញល្បាតក្នុងភូមិសាស្ត្រលុះល្បាតដល់កន្លែងកើតហេតុវេលាម៉ោង១៧ និង៣០នាទីស្រាប់តែប្រទះឃើញជនសង្ស័យចំនួន ០៤នាក់ (នង រិទ្ធីយ៉ា , នួន សំណាង, នួន ពៅ, ខេម ម៉ៅ) ជិះម៉ូតូចំនួន០២គ្រឿង ម៉ាកហុងដាC110 ពណ៌ ខ្មៅ ពាក់ស្លាកលេខភ្នំពេញ1BF-1947 និងម៉ាកស៊ុយសូគីនិច ពណ៌ ស+ខ្មៅពាក់ស្លាកលេខ ភ្នំពេញ1F-9340មានភាពមិនប្រក្រតីភ្លាមនោះកម្លាំងយើងក៏ឃាត់យកទៅសាកសួរនៅប៉ុស្តិ៍នគរបាលរដ្ឋបាលគោករការក្រោយពីសាកសួរជនសង្ស័យទាំង៤នាក់បានសារភាពថាម៉ូតូទាំងនោះគឺបានមកពីលួចគេហើយយកទៅលក់ឲ្យ ឈ្មោះ ថុនគីមហុងបន្ទាប់មកកម្លាំងយើងក៏នាំជនសង្ស័យទាំង៤ ទៅចង្អុលប្រាប់ទីតាំងរបស់ជនសង្ស័យ ឈ្មោះ ថុន គឹមហុងពេលទៅដល់ផ្ទះជួលរបស់ជនសង្ស័យ ឈ្មោះ ថុន គីមហុង កម្លាំងយើងក៏ឃាត់ខ្លួនជនសង្ស័យ ឈ្មោះ ថុនគីមហុង និងជនសង្ស័យចំនួន ០៣នាក់ទៀតរួមមាន(ហ៊ុល រស្មី, នួន រ៉ាវី, រុំ ភារៈ) និងបានរកឃើញដាវកែច្នៃចំនួន០១ដើម និងបន្ទះស្លាកលេខ ចំនួន ០១សន្លឹក នាំយកមកប៉ុស្តិ៍នគរបាលរដ្ឋបាលគោករកាដើម្បីសាកសួរ និងបានបញ្ជូនមកអធិការដ្ឋាននគរបាលខណ្ឌព្រែកព្នៅ ដើមបីកសាងសំណុំរឿងបញ្ជូនទៅតុលាការ ៕ ចាន់ធឿន