នគរបាលស្រុកសាលាក្រៅចុះបង្ក្រាប ចាប់ឃាត់ខ្លួនជនសង្ស័យប្រើប្រាស់គ្រឿងញៀនបាន២នាក់

ខេត្តប៉ៃលិន៖ កាលពីវេលាម៉ោង១៤ ថ្ងៃទី២៥ ខែវិច្ឆកា ឆ្នាំ២០១៨ កម្លាំងជំនាញការិយាល័យប្រឆាំងបទល្មើសគ្រឿងញៀន បានចុះបង្ក្រាបករណីប្រើប្រាស់ និងជួញដូរនូវសារធាតុញៀនខុសច្បាប់មួយកន្លែង នៅចំណុចផ្លូវចូលវត្តសាវ៉ាន់ ស្ថិតនៅភូមិផ្សារព្រំ ឃុំស្ទឹងកាច់ ស្រុកសាលាក្រៅ ខេត្តប៉ៃលិន ។

សមត្តកិច្ចនគរបាលជំនាញបទលល្មើសញៀនស្រុកបានឲ្យដឹងថា មុននឹងចុះបង្ក្រាបគ្រឿងញៀនកម្លាំង នគរបាលស្រុកបានទទួលព័ត៌មានពីអ្នកស្រុកនៅទីនោះថា មានកន្លែងប្រើប្រាស់សារធាតុញៀន ។

បន្ទាប់ពីបានទទួលព័ត៌មានរួច កម្លាំងអធិការដ្ឋាននគរបាលស្រុក ក៏ចុះឃាត់ខ្លួនជនសង្ស័យចំនួន០២នាក់៖ ទី០១-ឈ្មោះ ស្រេន ពិសែន ហៅអាឆៃ ភេទប្រុស អាយុ ៣០ឆ្នាំ មុខរបរ កម្មករ ទី០២-ឈ្មោះ សុន សេរីសោភ័ណ្ឌ ហៅ ជាងកាត់សក់ភ័ណ្ឌ ភេទប្រុស អាយុ៣៨ឆ្នាំ មុខរបរ ជាងកាត់សក់ ជនសង្ស័យទាំងពីរនាក់ រស់នៅភូមិផ្សារព្រំ ឃុំស្ទឹងកាច់ ស្រុកសាលាក្រៅ ខេត្ដប៉ៃលិ និងដកហូតបានវត្ថុតាង និងសម្ភារប្រើរប្រាស់សារធាតុញៀនរួមមាន÷ម្សៅក្រាមពណ៌សថ្លា(ម៉ាទឹកកកICE)ចំនួន០២កញ្ចប់តូច ទម្ងន់ ០,៤៨ ក្រាម ថ្លឹងទាំងសំបក ថង់ប្លាស្ទិច ។

បច្ចុប្បន្ន ករណីខាងលើកម្លាំងជំនាញអធិការដ្ឋាននគរបាលស្រុកសាលាក្រៅ កំពុងកសាងសំណុំរឿងចាត់ការទៅតាមនីតិវិធី ៕ជ ស សារ៉េត