សារព័ត៌មាន នគរវត្ត តែងតែនាំមុខគេជានិច្ច
ខេត្តកំពង់ស្ពឺៈ យុវជនឡើងកម្នាក់ ចាប់ផ្តួលក្មេងស្រីអាយុ១៥ឆ្នាំ ទៅលើដី ប៉ុនប៉ងរំលោភ តែត្រូវម្តាយក្មេងស្រីរងគ្រោះ ទៅទាន់ ហើយក៏ចាប់ខ្លួនខ្លួន ប្រគល់ឲ្យសមត្ថកិច្ចភ្លាមៗ។
ករណីប៉ុនប៉ងចាប់រំលោភខាងលើនេះ កើតឡើងកាលពីវេលាម៉ោង៨៖១០នាទីយប់ ថ្ងៃអង្គារ ៤កើត ខែមិគសិរ ឆ្នាំច សំរិទ្ធិស័ក ពុទ្ធសរាជ២៥៦២ នៅភូមិថ្មី ឃុំតាំងសំរោង ស្រុកភ្នំស្រួច ខេត្តកំពង់ស្ពឺ។
ជនសង្ស័យឈ្មោះ មៀច វណ្ណា ភេទប្រុស អាយុ១៨ឆ្នាំ រស់នៅភូមិសង្កែជ្រុំ ឃុំរស្មីសាមគ្គី ស្រុកឱរ៉ាល់ ខេត្តកំពង់ស្ពឺ ។
នៅចំពោះមុខសមត្ថកិច្ចជនសង្ស័យបានសារភាពថា មុនពេលកើតហេតុ ជនបង្ក រួមនឹងបក្ខពួក២នាក់ទៀត បានបើកគោយន្ត មកដល់ចំណុចភូមិថ្មី ឃុំតាំងសំរោង បានឈប់គោយន្ត ហើយជនបង្កបានចុះមកជួបក្មេងស្រីរងគ្រោះ អាយុ១៥ឆ្នាំនៅភូមិថ្មី រួចបានចាប់ផ្តួលទៅលើដី ប៉ុនប៉ងរំលោភ តែត្រូវម្តាយក្មេងស្រីទៅទាន់ ក៏ចាប់បានម្នាក់ ចំណែកពីរនាក់ទៀត បើកគោយន្ដរត់គេចខ្លួនបាត់ ។
បច្ចុប្បន្នជនសង្ស័យខាងលើនេះ ត្រូវបានសមត្ថកិច្ចឃាត់ខ្លួនយកមកអធិការដ្ឋានស្រុក ដើម្បីកសាងសំណុំរឿងចាត់ការតាមនីតិវិធីច្បាប់៕ សេនាស័ក្តិ
