សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ រថយន្តហាយឡែនឌ័រមួយគ្រឿង និងរថយន្តHILLIX VIGO មួយគ្រឿងទៀតបានធ្វើដំណើរក្នុងល្បឿនលឿនដូចគ្នា ហើយមិនប្រយ័ត្នបានជ្រុលបុកគ្នាចំប្រឆិតពីមុខយ៉ាងពញទំហឹង បណ្ដាលឲ្យរងការខូចខាតទាំង២គ្រឿង តែមានរថយន្តមួយគ្រឿងរេចង្កូតទៅបុករបងផ្ទះប្រជាពលរដ្ឋរងការខូចខាតបន្ថែមទៀត ។
ហេតុការណ៍គ្រោះថ្នាក់ចរាចរណ៍ខាងលើនេះបានកើតឡើងនៅវេលាម៉ោង៩ និង៣០នាទីយប់ ថ្ងៃទី១៧ ខែធ្នូ ឆ្នាំ២០១៨ នៅតាមបណ្ដោយផ្លូវលេខ ១៩៣ កែងផ្លូវលេខ៣២៨ ស្ថិតក្នុងសង្កាត់ទួលស្វាយព្រៃ១ ខណ្ឌចំការមន រាជធានីភ្នំពេញ ។
តាមប្រភពព័ត៌មានពីប្រជាពលរដ្ឋបានឲ្យដឹងថា នៅពេលកើតហេតុនោះ គេឃើញរថយន្ត២គ្រឿង ដោយមួយគ្រឿងម៉ាក ហាយឡែនឌ័រ ពណ៌ទឹកប្រាក់ ពាក់ស្លាកលេខភ្នំពេញ 2AL-3981 បើកបរដោយបុរសម្នាក់ជាជនជាតិចិន បានធ្វើដំណើរតាមបណ្ដោយផ្លូវ១៩៣ ទិសដៅពីជើងទៅត្បូងក្នុងល្បឿនលឿន និងមួយគ្រឿងទៀតម៉ាក TOYOTA HILLIX VIGO ពណ៌ខ្មៅ ពាក់ស្លាកលេខភ្នំពេញ 2AA-0608 បើកបរដោយបុរសម្នាក់ជាជនជាតិខ្មែរ បានធ្វើដំណើរតាមបណ្ដោយផ្លូវ៣២៨ ទិសដៅពីលិចទៅកើតក្នុងល្បឿនលឿនដូចគ្នា ខណះមកដល់ចំណុចកើតហេតុមិនបន្ថយល្បឿនដូចគ្នា ក៏បានបុកគ្នាចំប្រឆិតពីមុខពេញទំហឹង បណ្ដាលឲ្យរថយន្តហាយឡែនឌ័រវិលមួយជុំ រងការខូចខាតយ៉ាងដំណំ ចំណែករថយន្តHILLIX VIGO បានរេចង្កូតទៅបុករបងផ្ទះប្រជាពលរដ្ឋបន្ថែមទៀត បណ្ដាលឲ្យរបងផ្ទះ និងរថយន្តរងកាខូចខាតយ៉ាងំណំផងដែរ តែក្នុងហតុការណ៍គ្រោះថ្នាក់ចរាចរណ៍ខាងលើនេះ មិនធ្វើឲ្យមនុស្សរងរបួសនោះទេ ។
ក្រោយកើតហេតុ សមត្ថកិច្ចមូលដ្ឋានបានចុះមកដល់កន្លែងកើតហេតុ ហើយទាក់ទងទៅជំនាញចរាចរណ៍ឲ្យមកធ្វើការវាស់វែងករថយន្តទាំង២គ្រឿងទៅកាន់ការិយាល័យចរាចរណ៍ជើងគោក នៃស្នងការដ្ឋាននគរបាលរាជធានីភ្នំពញ រង់ចាំដោះស្រាយតាមក្រោយ ៕សុខាសែនជ័យ
