សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ សមត្ថកិច្ចនគរបាលខណ្ខដង្កោ ឃាត់ខ្លួន ជនសង្ស័យ៣នាក់ ដែលបានធ្វើសកម្មភាពចូលផ្ទះប្រជាពលរដ្ឋលួចយកលុយ ។ ការឃាត់ខ្លួនជនសង្ស័យខាងលើនៅព្រឹកថ្ងៃទី២០ ខែធ្នូ ឆ្នាំ២០១៨ នៅក្នុងភូមិព្រៃទីទុយ សង្កាត់ព្រៃស ខណ្ខដង្កោ រាជធានីភ្នំពេញ ។
សមត្ថកិច្ចបានឲ្យដឹងថា ជនសង្ស័យទី១ មានឈ្មោះ ហ៊ា រតនា ភេទប្រុស អាយុ២០ឆ្នាំមុខរបរមិនពិតប្រាកដ ស្នាក់នៅម្តុំស្ពានដែក, ទី២ ឈ្មោះ អិន ចាន់ដារ៉ា ភេទប្រុស អាយុ២៤ឆ្នាំស្នាក់នៅម្តុំផ្សារ សឡា ខណ្ខមានជ័យ មុខរបររត់ម៉ូតូឌុប និង ទី៣ ឈ្មោះ ម៉ូត វិចិត្រ ភេទប្រុស អាយុ១៨ឆ្នាំមុខរបរមិនពិតប្រាកដ ស្នាក់នៅម្តុំវត្តស្ទឹងមានជ័យ ។
សមត្ថកិច្ចបានឲ្យដឹងទៀតថា មុនពេលដែលសមត្ថកិច្ចឃាត់ខ្លួន គឺជនសង្ស័យទាំ៣នាក់នៅវេលាម៉ោងប្រហែល២យប់ បានចូលទៅក្នុងផ្ទះលក់បាយគុយទាវ និងលក់ឥវ៉ាន់ដោយបានគាស់ទ្វារ ចូលទៅ បានធ្វើសកម្មភាពលួចយក មានកាបូកលុយ ដែលមានក្នុងនោះ លុយខ្មែរជាង១លានរៀល កាតទូរស័ព្ទ កូនជ្រូកសន្សំលុយ ២ និងទូរសព្ទ័ចំនួន៣គ្រឿង ក្រោយពីបានធ្វើសកម្មភាពរួចហើយ ជនសង្ស័យបានចេញមកវិញឡើងជិះម៉ូតូ ក៏ត្រូវបានសមត្ថកិច្ចល្បាតនៅម្តុំនោះ ឃាត់ខ្លួនបានតែម្តង។
បច្ចុប្បន្នជនសង្ស័យទាំង៣នាក់កំពុងតែសាកសួរនៅប៉ុស្តិ៍ព្រៃស ហើយកសាងសំណុំរឿងបញ្ជូនទៅអធិកាដ្ឋាននគរបាលខណ្ខដង្កោ ដើម្បីចាត់កាតាមផ្លូវច្បាប់ ៕ ភារ៉ា ដង្កោ
