សារព័ត៌មាន នគរវត្ត តែងតែនាំមុខគេជានិច្ច
ខេត្តកំពង់ធំ៖ បុរសម្នាក់បើកបរម៉ូតូលឿនខ្វះការប្រុងប្រយ័ត្នបានបើកបុកខឿនរង្វង់មូលបណ្តាលឲ្យស្លាប់ខ្លួនឯង។
ហេតុការណ៍នេះបានកើតឡើងកាលពីវេលាម៉ោង១ៈ២០នាទី ថ្ងៃចន្ទ ១០រោច ខែមិគសិរ ឆ្នាំច សំរឹទ្ធិស័ក ព.ស២៥៦២ ត្រូវនឹងថ្ងៃទី០១ ខែមករា ឆ្នាំ២០១៩ លើកំណាត់ផ្លូវជាតិលេខ០៦ ចំណុចរង្វង់មូលពោធិ៍បាក់ក្រង ភូមិសំរោង សង្កាត់ស្រយ៉ូវ ក្រុងស្ទឹងសែន ខេត្តកំពង់ធំ ។
សមត្ថកិច្ចបានឲ្យដឹងថា ម៉ូតូម៉ាកJTR ពណ៌ខ្មៅ ស្លាកលេខភ្នំពេញ1JF.9091 (បើកបរទឹសដៅពីត្បូងទៅជើង) ដោយឈ្មោះ ណាវ.សុថា ភេទប្រុស អាយុ៣០ឆ្នាំ(បុគ្គលិកប្រតិបត្តិការប្រសិទ្ធភាពមេក្រូហិរញ្ញវត្ថុក្រេឌិតភីអិលសីុ) រស់នៅភូមិទួលអង្គប់ ឃុំសំបូរ ស្រុកស្វាយទាប ខេត្តស្វាយរៀង(ស្លាប់នៅកន្លែងកើតហេតុ)(មិនពាក់មួកសុវត្ថិភាព)។
មូលហេតុបឋមបង្កឡើងដោយ អ្នកបើកបរម៉ូតូមានល្បឿនលឿនខ្វះការប្រុងប្រយ័ត្ន បានបើកបុកខឿនរង្វង់មូល។
ក្រោយកើតហេតុសមត្ថកិច្ចបានចុះវាស់វែងធ្វើកំណត់ហេតុនិងប្រមូលវត្ថុតាងម៉ូតូរក្សាទុកនៅអធិការដ្ឋាននគរបាលក្រុងស្ទឹងសែន ឯសាកសពរក្សាទុកនៅមន្ទីរពេទ្យខេត្តកំពង់ធំរង់ចាំគ្រួសារមកទទួល ៕ ប៊ុនរិទ្ធី
