សារព័ត៌មាន នគរវត្ត តែងតែនាំមុខគេជានិច្ច
ខេត្តក្រចេះ ៖ កម្លាំងនគរបាលព្រហ្មទណ្ឌស្រុកឆ្លូងបានចាប់ឃាត់ខ្លួនជនសង្ស័យម្នាក់ ឈ្មោះ ចិន គ្រី ហៅគីនីន អាយុ៥៣ឆ្នាំ ជនជាតិខ្មែរ-អ៊ិស្លាម នាថ្ងៃពុធ១១ រោច ខែ មិគសិរ ឆ្នាំ ច សំរឹទ្ធិស័ក ព.ស.២៥៦២ ត្រូវនឹងថ្ងៃទី២ ខែមករា ឆ្នាំ២០១៩ ទៅតាមពាក្យបណ្តឹងរបស់ស្ត្រីវ័យចំណាស់ជនជាតិខ្មែរឥស្លាមត្រូវជាជីដូនរបស់ក្មេងស្រីរងគ្រោះអាយុ៩ឆ្នាំ រស់នៅឃុំព្រែកសាមាន់ ស្រុកឆ្លូង ពីបទរំលោភសេពសន្ថវៈក្មេងស្រីជាអនិតិជន ។ ចំណែកក្មេងស្រីរងគ្រោះមានសតិមិនប្រក្រតីអាយុ៩ឆ្នាំ សព្វថ្ងៃរស់នៅជាមួយនឹងជីដូន ខណៈឱពុកម្តាយទៅធ្វើកម្មករនៅក្រៅប្រទេស។
តាមការរៀបរាប់ពីក្មេងស្រីរងគ្រោះបានប្រាប់សមត្ថកិច្ចឲ្យដឹងថា កាលពីអំឡុង មួយខែមុន ជនសង្ស័យបានល្បូងនាងរំលោភបានសម្រេច៣ដង។ ដោយលើកទីមួយ រំលោភនៅលើអង្រឹងក្រោមផ្ទះនៅពេលជីដូននាងមិននៅ។ លើកទីពីរ បានល្បួងនាងឲ្យទៅបេះផ្លែពុទ្ទ្រា នៅខាងក្រោយភូមិ ហើយក៏ចាប់រំលោភនាងរហូតបានសម្រេច និងលើកទីបី ចាប់នាងរំលោភនៅស្រែរហូតបានសម្រេចម្តងទៀត។ ក្មេងស្រីរូបនេះថា ជនសង្ស័យបានច្របាច់.កនាងមិនឱ្យស្រែកនៅពេលគេធ្វើសកម្មភាពចាប់រំលោភមកលើរូបនាងម្តងៗ ។
ក្រោយមកក្មេងនាងក៏បានប្រាប់រឿងនេះជីដូនដឹង ហើយជីដូនក៏បានមកដាក់ពាក្យបណ្តឹងនៅអធិការដ្ឋាននគរបាលស្រុកឆ្លូង ទើបកម្លាំងនគរបាលចុះទៅចាប់ខ្លួនជននេះតែម្តង ។ នៅចំពោះមុខសមត្ថកិច្ចជនសង្ស័យបានឆ្លើយសារភាពថា ខ្លួនពិតជាបានធ្វើសកម្មភាពចាប់រំលោភក្មេងស្រីរងគ្រោះមែន តែមិនស៊ីជម្រៅទេដោយគ្រាន់តែប្រើដៃស្ទាបតែប៉ុណ្ណោះ។
ក្រោយទទួលបានចម្លើយសារភាពបែបនេះ សមត្ថកិច្ចបានកសាងសំណុំរឿង និងបញ្ជូនជនសង្ស័យខាងលើទៅសាលាដំបូងខេត្តដើម្បីអនុវត្តតាមច្បាប់ ៕ សហការី
