ប្រព័ន្ធធារាសាស្ត្រក្នុងខេត្តឧត្តរមានជ័យ បច្ចុប្បន្ន អាចផ្គត់ផ្គង់ទឹកសម្រាប់ការងារកសិកម្មបានគ្រប់គ្រាន់

ចែករំលែក៖

ខេត្តឧត្តរមានជ័យ ៖ ប្រព័ន្ធធារាសាស្ត្រ ក្នុងខេត្តឧត្តរមានជ័យ ជាច្រើនកន្លែង ត្រូវបានស្ដារឡើងវិញ និងបានក្លាយជា ប្រភពទឹកមិនចេះរីងស្ងួត សម្រាប់បម្រើដល់វិស័យកសិកម្ម ទាំងរដូវប្រាំង និងវស្សា ជាពិសេស គឺទំនប់អាង ស្តុកទឹកស្ទឹងត្រែង២ (អាតោ) និងទំនប់អាងស្តុកទឹកត្រពាំងធំ (ទំនប់ខ្ទុំ) និងប្រព័ន្ធទំនប់ផ្សេងៗទៀត។

លោក ញើន កួន ប្រធានមន្ទីរធនធានទឹក និងឧតុនិយម ខេត្តឧត្តរមានជ័យ បានឲ្យដឹងថា បច្ចុប្បន្ន នេះ មន្ទីរកំពុងតែខិតខំស្តារប្រព័ន្ធធារាសាស្ត្រ ដែលជាប្រភពទឹកសំខាន់ៗ ដើម្បីផ្គត់ផ្គង់ទឹកស្រោចស្របឲ្យបានទៅដល់តំបន់ឆ្ងាយៗ ទៅតាមលទ្ធភាពដែលអាចធ្វើបាន។

លោកប្រធានមន្ទីរកសិកម្ម បានឲ្យដឹងទៀតថា ក្នុងករណីដែលមិនមានប្រភពទឹកនៅក្បែរ មន្ទីរនិង ផ្តល់ជាប្រេងដល់ពលរដ្ឋ ដើម្បីបូមទឹកដាក់នៅស្រែរបស់ពួកគេ ដើម្បីជួយចែករំលែកការលំបាកនានារបស់ ពលរដ្ឋក្នុងការកាត់បន្តយការខ្វះខាត ។

លោក ញើន កួន បានឲ្យដឹងថា ប្រព័ន្ធធារាសាស្ត្រមួយចំនួន ក្នុងខេត្តឧត្តរមានជ័យ ក្រៅតែជាប្រភព ទឹកសម្រាប់កសិកម្ម ក៏កំពុងប្រែក្លាយខ្លួនទៅជាតំបន់រមណីយដ្ឋានធម្មជាតិដ៏ទាក់ទាញផងដែរ ដែលបាន និងកំពុងបង្កើតការងារជូនប្រជាពលរដ្ឋក្នុងសហគមន៍ តាមរយៈវិស័យទេសចរណ៍ ធ្វើឲ្យជីវភាពប្រជាពល រដ្ឋ បានធូរស្បើយមួយកម្រិតទៀត៕ ប៉ែន នួន