រថយន្តពីរគ្រឿងប៉ះគ្នាបុកគាបជាប់នឹងរថយន្តកូរ៉េខ្ទេច មួយចំហៀងមុខ

ភ្នំពេញ៖ រថយន្តប្រភេទបែនដឹក ដី ព្យាយាមបត់ត្រឡប់ក្រោយ ស្រាប់តែទៅកៀររថយន្ត កូរ៉េមកពីក្រោយខ្ទេចមុខ មួយចំហៀង គាបជាប់ទៅមុខលែងរួច តែមិនមានអ្នករងរបួស គ្រាន់តែខូចខាតរថយន្ត ។

គ្រោះថ្នាក់ចរាចរនេះ បានកើតឡើងកាលពីពីម៉ោង១០និង១៥នាទីព្រឹក ថ្ងៃទី២០ ខែកុម្ភៈ ឆ្នាំ២០១៩ នៅចំណុចលើផ្លូវវិថីឈ្នះឈ្នះ (ផ្លូវទំនប់កប់ស្រូវ) ភូមិត្រពាំងរាំងចាស់ សង្កាត់ ឃ្មួញ ខណ្ឌសែនសុខ ។

ប្រភពឲ្យដឹងថា មុនកើតហេតុបានឃើញ រថយន្តបែនដឹកដីមួយគ្រឿងម៉ាក HINO ពណ៌ខៀវ ពាក់ស្លាកលេខ ភ្នំពេញ 3C-6389 ដោយបើកតាមផ្លូវវិថី ឈ្នះឈ្នះ ក្នុងទិសដៅពីលិចទៅកើត ខណៈមកដល់ចំណុចខាងលើ រថយន្តបែនដឹកដីបានបត់ ឆ្វេងព្យាយាមត្រឡប់ក្រោយស្រាប់តែមកកៀររថយន្ត ហ៊ីយ៉ាន់ដាយ ប្រភេទដឹកទំនិញពណ៌ស ពាក់ស្លាកលេខ កំពង់ស្ពឺ 3A-0888 ដែលបើកមកពីក្រោយខ្ទេចមុខមួយចំហៀង កៀបជាប់ទៅមុខលែងរួច តែមិនមានអ្នករងរបួសគ្រាន់តែខូចខាតរថយន្តសង ខាងប៉ុណ្ណោះ ។

ក្រោយហេតុការណ៍កើតឡើង រថយន្តទាំង២គ្រឿងត្រូវ សមត្ថកិច្ចចុះមកវាស់វែង ហើយដោយមានការសម្រប សម្រួលពីតំណាងភាគីទាំងពីរ ទើបភាគីខាងរថយន្តដឹកដី ជួយចេញថ្លៃជួសជុលរថយន្ត ហុីយ៉ាន់ដាយចំនួន៩០០ ដុល្លារ ដើម្បីបញ្ចប់រឿងនៅកន្លែង កើតហេតុ ៕ តុង សីហា