សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ស្ត្រីម្នាក់ជាជនជាតិចិន បើករថយន្តបង្កមួយគ្រឿង ល្បឿនយ៉ាងលឿនស្ថិត ក្នុងស្ថានភាពស្រវឹងជោកជាំ បានរេចង្កូតទៅបុកស្លាកសញ្ញា បង្គោលភ្លើង និងបុកដើមត្របែកព្រៃមួយដើមបណ្តាលឲ្យរងការខូចខាត យ៉ាងដំណំ ។
ហេតុការណ៍នេះ បានកើតឡើងកាលពីវេលាម៉ោង១០យប់ ថ្ងៃទី២០ ខែកុម្ភៈ ឆ្នាំ២០១៩ នៅតាមបណ្តោយផ្លូវព្រះនរោត្តមនៅចំណុចមុខធនាគារ ជាតិស្ថិតនៅក្នុងសង្កាត់ផ្សារថ្មី១ ខណ្ឌដូនពេញ រាជធានីភ្នំពេញ ។
តាមប្រភពព័ត៌មានពីសាក្សី ដែលឃើញហេតុការណ៍បានឲ្យដឹង ថា មុនពេលកើតហេតុគេបាន ឃើញស្ត្រីជាជនជាតិចិនម្នាក់ វ័យប្រហែលជា៣០ឆ្នាំ បើករថយន្តបង្កមួយគ្រឿង ម៉ាកឡិចសុីស RX300 ពណ៌ស្ករ ពាក់ស្លាកលេខ ភ្នំពេញ 2AO-5183 បើកបរតាមបណ្តោយផ្លូវព្រះ នរោត្តម ក្នុងទិសដៅពីជើងទៅត្បូង ខណៈបើកមកដល់ចំណុចកើត ហេតុខាងលើនេះ ដោយសារតែម្ចាស់រថយន្តបង្ក ស្រវឹងស្រាហើយបើកលឿនស្រប ពេលនោះដែរ មានរថយន្តមួយគ្រឿងមិនចាំ ម៉ាកបើកជែងកាត់មុខហើយ ម្ចាស់រថយន្តគាត់ក៏គេចមកស្តាំ ជ្រុលចង្កូតមកបុកស្លាកសញ្ញា ចរាចរណ៍បាក់អស់មួយស្លាក និងបង្គោលភ្លើងចំនួនមួយដើមភ្លាមៗនោះដែរ រថយន្តបង្កមិនទាន់អស់ល្បឿន បានជ្រុលទៅបុកដើមត្របែកព្រៃទៅមុខលែងរួច ចំណែកឯរថយន្ត វិញខូចខាតខ្ទេចអស់មួយកំណាត់ខាងមុខ និងផ្ទុះពោងសុវត្ថិភាពទាំងសង ខាង តែម្ចាស់រថយន្តមិនមានរងរបួសគ្រាន់តែខូចខាតទ្រព្យសម្បត្តិ ខ្លួនឯង នឹងទ្រព្យសម្បត្តិរដ្ឋតែប៉ុណ្ណោះ រួមនិងមិនបង្កឲ្យគ្រោះទៅដល់អ្នកដ៏ទៃនោះឡើយរីឯម្ចាស់ត្រូវបានសមត្ថកិច្ចធ្វើការឃាត់ខ្លួនយកទៅសួរនាំនៅឯប៉ុស្តិ៍នគរបាលរដ្ឋបាលផ្សារថ្មី១ផងដែរ។
ក្រោយពេលកើតហេតុរថយន្តបង្កត្រូវបានសមត្ថកិច្ចវាស់វែងស្ទូចយកទៅរក្សាទុកនៅការិយាល័យ ចរាចរណ៍ផ្លូវគោកដើម្បីសោះស្រាយនៅពេលក្រោយ ៕ ធឿនព្រែកជ័យ
