សារព័ត៌មាន នគរវត្ត តែងតែនាំមុខគេជានិច្ច
ខេត្តព្រះសីហនុ៖ លោកវរសេនីយ៍ឯក ភុល ភស្តា អធិការ នគរបាលក្រុងព្រះសីហនុ បានឲ្យដឹងថា ៖ នៅវេលាម៉ោងប្រមាណ២១ យប់ ថ្ងៃទី២០ ខែកុម្ភៈ ឆ្នាំ២០១៩ កន្លងទៅនេះ សមត្ថកិច្ចនគរបាលក្រុងព្រះសីហនុ បានបង្រ្កាបជនទំនើង៣ នាក់ ដែលមានកាន់ដាវបម្រុងធ្វើសកម្មភាពពេលយប់ បានទាំងស្រុង នៅតំបន់ ការដ្ឋានសំណង់ក្រុមហ៊ុនឆាយណាថោន ស្ថិតភូមិ៦ (អូត្រេះចាស់) សង្កាត់លេខ ៤ ក្រុងព្រះសីហនុ ។
ជនសង្ស័យ ១- ឈ្មោះ អុន ពៅ ភេទប្រុស អាយុ ១៦ ឆ្នាំ មុខរបរកម្មករ សំណង់នៅអូរត្រេះចាស់ សង្កាត់លេខ ៤ ក្រុង ស្រុកកំណើត ភូមិត្រពាំងក្រសាំង ខេត្តកំពង់ធំ ។ ២-ឈ្មោះ សែម ភេទប្រុស អាយុ២១ឆ្នាំ មុខរបរ កម្មករសំណង់ នៅឆ្នេរអូតែលសុខា ស្រុកកំណើត ភូមិមានរិទ្ធ ស្រុកទឹកឈូ ខេត្តកំពត ។ ៣-ឈ្មោះ សុន ណារិទ្ធ ភេទប្រុស អាយុ២១ ឆ្នាំ មុខរបរកម្មករសំណង់នៅអូរត្រេះចាស់ ស្រុកកំណើត ភូមិត្រពាំងកុយ ស្រុកទឹកឈូ ខេត្តកំពត។
ក្រោយពេលឆែកឆេរ សមត្ថកិច្ចបានរកឃើញដាវ ចំនួន២ដើម ព្រមទាំងរកឃើញ ស្លាក លេខម៉ូតូ១បន្ទះ លេខកំពត1E-8349 ដែល ជនសង្ស័យទាំងនោះបានដោះលាក់ទុកនៅក្រោមកែបម៉ូតូ Honda Dream 2012 ពណ៌ខ្មៅ មានលេខតួND125DC-8692298និងលេខម៉ាស៊ីន ND125ME-8692298 ។
ជនសង្ស័យទាំង៣នាក់ បានសារភាពថា ទើបជក់ថ្នាំញឿនរួចហើយ និង ប្រុងចេញធ្វើសកម្មភាព ប៉ុន្តែត្រូវបានសមត្ថកិច្ចនគរបាលក្រុងព្រះសីហនុ បង្ការ ទប់ស្កាត់ បង្រ្កាបបាន ទាន់ពេលវេលា ។ បច្ចុប្បន្មសមត្តកិច្ចកំពុងកសាងសំណុំរឿងបញ្ជូនទៅសាលាដំបូងខេត្ត ៕ ឆ្លាម សមុទ្រ
