សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ ស្រ្តីម្នាក់ ដោយសារតែខឹងប្តីរបស់ខ្លួន តែងតែរករឿងស្រវឹង ឡូឡាស្ទើររាល់ថ្ងៃ ទើបសម្រេចចិត្តបីកូនតូចឡើងលើបង្កាន់ដៃផ្ទះសំណាក់ សុមនា ជាន់ទី១ បំណងលោតសម្លាប់ខ្លួន តែត្រូវបានសមត្ថកិច្ចជួយសង្គ្រោះទាន់ពេលវេលា កាលពីវេលាម៉ោង១០និង៣០នាទីយប់ ថ្ងៃទី២៥ ខែកុម្ភៈ ឆ្នាំ២០១៩ ដែលមានទីតាំងស្ថិតនៅតាមផ្លូវសហព័ន្ធរុស្សី មុខបុរីញ៉ូថោន ភូមិព្រៃទា សង្កាត់ចោមចៅ៣ ខណ្ឌពោធិ៍សែនជ័យ ។
តាមប្រភពនៅកន្លែងកើតហេតុ បានឲ្យដឹងថា ស្រ្តីខាងលើជាជនជាតិខ្មែរ មានកូនប្រុសតូចម្នាក់ មានប្តីជាជនជាតិចិន ទៅជួលបន្ទប់ផ្ទះសំណាក់ សុមនា ខាងលើស្នាក់នៅ ហើយមុនកើតហេតុ ប្តីជាជនជាតិចិន ស្រវឹងស្រា រករឿងឈ្លោះប្រពន្ធ ទាំងគ្មានហេតុផល ស្រែកឡូឡា សំឡុត ស្រ្តីជាប្រពន្ធ រហូតដល់ខាងផ្ទះសំណាក់ ទៅឃាត់ បំបែកបុរសជាប្តីចេញ រួចបុរសរូបនោះចុះបើករថយន្តចាកចេញចោលបាត់ មួយសន្ទុះក្រោយមកស្រាប់តែ ស្រ្តីជាប្រពន្ធ សង្ស័យតូចចិត្តជាមួយប្តីចិន បង្កើតធ្វើរឿងបែបនេះ កើតឡើង ត្រូវបានកម្លាំងសមត្ថកិច្ច ពលរដ្ឋ ប្រើវិធីសាស្រ្តលួងលោម ទីបំផុត សមត្ថកិច្ចឃាត់បានដោយសុវត្ថិភាព ទាំងម្តាយទាំងកូន ៕ សុខាសែនជ័យ
