សារព័ត៌មាន នគរវត្ត តែងតែនាំមុខគេជានិច្ច
ខេត្តកំពង់ធំ៖ ថ្ងៃពុធ ៨រោច ខែមាឃ ឆ្នាំច សំរឹទ្ធិស័ក ព.ស ២៥៦២ ត្រូវនឹងថ្ងៃទី២៧ ខែកុម្ភៈ គ.ស ២០១៩ វេលាម៉ោង១០:៣០នាទីព្រឹក មានករណីអគ្គិភ័យឆេះពុំនូកចំបើង ស្ថិតនៅ ភូមិអូរគន្ធរត្បូង សង្កាត់អូរគន្ធរ ក្រុងស្ទឹងសែន ។
សមត្ថកិច្ចបានឲ្យដឹងថា ម្ចាស់ឈ្មោះ កាំង គីឃៀង ភេទប្រុស អាយុ៣៥ឆ្នាំរស់នៅភូមិអូរគន្ធរត្បូង សង្កាត់អូរគន្ធរ ក្រុងស្ទឹងសែន ។
ខូចខាត ឆេះចំបើងអស់០១ពំនូក មូលហេតុ: បណ្តាលមកពី កូនស្រី អាយុ៤ឆ្នាំ យកដែកកេះដុតពុំនូកចំបើងលេង ។
សមត្ថកិច្ចបានចេញរថយន្តអគ្គិភ័យរបស់ស្នងការដ្ឋាននគរបាលខេត្តបានចេញអន្តរាគមន៍ពន្លត់ចំនួន០២គ្រឿង ប្រើប្រាស់ទឹកអស់ចំនួន០២រថយន្ត ស្មើនិង០៨ម៉ែត្រគុប និងប្រើប្រាស់ម៉ាសុីនបូមទឹក របស់ប្រជាពលរដ្ឋចំនួន០២គ្រឿង រលត់ទាំងស្រុ ងមិនបង្កឲ្យឆេះរាលដាល បន្តទៅផ្ទះអ្នកជិតខាងឡើយ ៕ ប៊ុនរិទ្ធី
