សារព័ត៌មាន នគរវត្ត តែងតែនាំមុខគេជានិច្ច
មន្ត្រីជាន់ខ្ពស់របស់អាមេរិក លាលែងចេញពីតំណែង មិនមែនជារឿងថ្មីនោះឡើយដោយក្នុងរយៈពេលជាង ពីរឆ្នាំ ដែលលោកត្រាំ កាន់តំណែង មានមន្ត្រីជាន់ខ្ពស់ ជាង២០នាក់ បានលាលែងចេញពីតំណែង ។
នៅពេលនេះ អគ្គនាយកទទួលបន្ទុកទំនាក់ទំនងផ្សព្វផ្សាយរបស់ប្រធានាធិបតីដូណាល់ ត្រាំ លោក Bill Shine និងរដ្ឋមន្ត្រីទទួលបន្ទុកទ័ពអាកាសអាមេរិក លោកស្រី Heather Wilson បានសម្រេចលាលែងចេញពីតំណែង ។
ក្នុងថ្ងៃជាមួយគ្នានោះ មន្ត្រី ទទួលបន្ទុកទាហានអាកាសអាមេរិក លោកស្រី Heather Wilson ជាបុគ្គលត្រូវបានគេចាត់ទុកថា ជាបេក្ខភាព រដ្ឋមន្ត្រីការពារជាតិ នាពេលអនាគត បានសម្រេចលាលែងចេញពីតំណែង ហើយវិលត្រឡប់ទៅធ្វើជាអគ្គនាយក មហាវិទ្យាល័យតិចសាស់ ។ លោកស្រី នឹងលាលែងតំណែងនៅថ្ងៃទី ៥ ខែឧសភា ឆ្នាំ២០១៩។
នៅក្នុងសេចក្តីប្រកាស អគ្គលេខាព័ត៌មានសេតវិមាន លោកស្រី Sarah Sanders បញ្ជាក់ថាលិខិតលាលែងចេញពីតំណែងរបស់លោក Bill Shine ត្រូវបានប្រធានាធិបតីយល់ព្រម ។ ប៉ុន្តែលោក Bill Shine នឹងបន្តគាំទ្រលោកត្រាំ និងគោលនយោបាយរបស់លោក ក៏ដូចជាទីប្រឹក្សាជាន់ខ្ពស់នៅក្នុងយុទ្ធនាការឃោសនាបោះឆ្នោត ឆ្នាំ២០២០ របស់ប្រធានាធិបតី ។
ក្នុងពេលជាមួយគ្នានេះ ប្រភពព័ត៌មានបានផ្សាយថា ប្រធានាធិបតីដូណាល់ ត្រាំ បាត់បង់ទំនុកចិត្តទៅលើលោក លោក Bill Shine ៕
