សារព័ត៌មាន នគរវត្ត តែងតែនាំមុខគេជានិច្ច
ខេត្តកំពង់ធំ៖ នៅរសៀលថ្ងៃសុក្រ ៣កើត ខែផល្គុន ឆ្នាំច សំរិទ្ធិស័ក ព.ស ២៥៦២ ត្រូវនឹងថ្ងៃទី៨ ខែមីនា ឆ្នាំ២០១៩ មានករណីខ្យែភ្លើងឆក់មនុស្សធ្លាក់ពីលើដំបូលរោងម៉ាស៊ីនទឹកកក បណ្ដាលឲ្យស្លាប់នេះ ។ ហេតុការណ៍នេះបានកើតឡើងនៅភូមិព្រៃតាត្រាវ ឃុំបល្ល័ង្ក ស្រុកបារាយណ៍ ខេត្តកំពង់ធំ ។
សមត្ថកិច្ចបានឲ្យដឹងថា សពជនរងគ្រោះឈ្មោះ ឡាង រ៉ាវី ភេទប្រុស អាយុ៣០ឆ្នាំ នៅភូមិបារាយណ៍ធំ ឃុំបារាយណ៍ ស្រុកបារាយណ៍ ខេត្តកំពង់ធំ។
ក្រោយកើតហេតុ កម្លាំងជំនាញស្រុក សហការជាមួយអាជ្ញាធរមូលដ្ឋាន ភូមិ ឃុំ ពិនិត្យស្ថានភាពសពធ្លាក់មកដល់ដីបោកក្បាលនឹងសាបស៊ីម៉ង់ត៍បែកលលាដ៍ក្បាលផ្នែកខាងស្ដាំ និងបែកចុងចិញ្ចើមលើស្នៀតផ្កាខាងស្ដាំ និងរលាត់ស្បែកកំភួនជើងខាងឆ្វេងមួយកន្លែង ក្រៅពីនេះ មិនមានអ្វីទេ ទើបសន្និដ្ឋានថា ការស្លាប់នេះបណ្ដាលមកពីខ្សែភ្លើងឆក់ពិតមែន ។
មូលហេតុឡើងផ្សាដំបូងរោងម៉ាស៊ីនទឹកកក ត្រូវខ្សែឆក់ ។ សពត្រូវបានប្រគល់ជូនក្រុមគ្រួសារសពយកទៅធ្វើបុណ្យតាមប្រពៃណី ៕ ប៊ុនរិទ្ធី
