ខ្យល់កន្ត្រាក់បំផ្លាញផ្ទះប្រជាពលរដ្ឋ១២ខ្នង នៅស្រុកម៉ាឡៃ

ខេត្តបន្ទាយមានជ័យ៖ យ៉ាងហោចណាស់ផ្ទះប្រជាពលរដ្ឋ១២ខ្នង នៅស្រុកម៉ាឡៃ ត្រូវខ្យល់កន្រ្តាក់វាយបក់បោក បង្កឲ្យខូចខាតយ៉ាងធ្ងន់ធ្ងរ ខណៈដែលមានភ្លៀងផ្គរលាយឡំខ្យល់យ៉ាងខ្លាំង ។

ហេតុការណ៍កើតឡើងនៅថ្ងៃសៅរ៍ ១១កើត ខែផល្គុន ឆ្នាំច ពស២៥៦២ ត្រូវនឹងថ្ងៃទី១៦ ខែមីនា ឆ្នាំ២០១៩ វេលាម៉ោងរំលងអធ្រាត្រ នៅចំណុចភូមិដំណាក់ថ្មី ឃុំតាគង់ ស្រុកម៉ាឡៃ ខេត្តបន្ទាយមានជ័យ ។

បើយោងតាមរបាយការណ៍ពីអធិការដ្ឋាននគរបាលស្រុកម៉ាឡៃឲ្យដឹងថា កាលពីយប់អធ្រាត្រ មានភ្លៀងលាយឡំជាមួយខ្យល់កន្រ្តាក់ធ្វើឲ្យប៉ះពាល់ដល់ផ្ទះប្រជាពលរដ្ឋចំនួន១២ខ្នងរួមមាន÷

១-ឈ្មោះផុន ថៃ អស់ស័ង្កសី ២សន្លឹក

២-ឈ្មោះដាក់ រ៉ាត់ ខូចអស់ដំបូងទាំងស្រុង ស័ង្កសី២៧សន្លឹក

៣-ឡាយ វាស្នា ខូចកញ្ចុះមួយ(ប្រក់ស្បូវ)

៤-ឈ្មោះ វ៉ាង វឿង (ពិការ)ខូចអស់ស័ង្កសី ៧សន្លឹក

៥-ឈ្មោះអ៊ុំ ផុន អស់ស័ង្កសី ៧សន្លឹក

៦-ឈ្មោះប៊ុន យ៑ាន ខូចអស់ជញ្ជាំកៅសូ៑ខ្មៅមួយចំហៀង និងស័ង្កសី ៣សន្លឹក

៧-ឈ្មោះទុំ សាលន់ ខូចអស់ស័ង្កសី ២០សន្លឹក

៨-ឈ្មោះ ហូវ ហ៑ា ខូចអស់ផ្ទះទាំងស្រុង(ទំហំ៤×៩ បង្គន់១ រោងដាក់ឈើមួយទំហំ ៣×៦)

៩-សឿ ឡង់ ចាស់ជរា ខូចទាំងស្រុង ទំហំ៣×៤

១០-ឈ្មោះ អ៊ុំ ភាន អស់ស័ង្កសី ១សន្លឹក

១១-ឈ្មោះ អួ៑ ម៉េង អស់ស័ង្កសី ៤សន្លឹក

១២-ឈ្មោះ ហេង វណ្ណា ខូចអស់ស័ង្កសី ២៣សន្លឹក។

បើយោងតាមរបាយការណ៍ដដែលឲ្យដឹងទៀតថា ខ្យល់កន្រ្តាក់នោះមិនបង្កឲ្យគ្រោះថ្នាក់ដល់អាយុជីវិត ប្រជាពលរដ្ឋនោះឡើយ ។

សមត្ថកិច្ច និងអាជ្ញាធរមូលដ្ឋានបានរាយការណ៍ទៅថ្នាក់លើ ដើម្បីរកជំនួយដោះស្រាយទុក្ខលំបាកជូនពលរដ្ឋរងគ្រោះ១២គ្រួសារ ៕ សំ វិច្ឆិកា