សារព័ត៌មាន នគរវត្ត តែងតែនាំមុខគេជានិច្ច
ខេត្តព្រះសីហនុ៖ នៅវេលាម៉ោង០៧និង១៥នាទី ថ្ងៃទី២៦ ខែមេសា ឆ្នាំ២០១៩ ចន្លោះគីឡូម៉ែត្រ១១២-១១៣ស្ថិតក្នុងភូមិស្ទឹងច្រាល ឃុំអូរបាក់រទេះ ស្រុកកំពង់សីលា ខេត្តព្រះសីហនុ មានគ្រោះថ្នាក់ចរាចរណ៏៍កើតឡើងរវាងរថយន្ត នឹងម៉ូតូមានទិសដៅបញ្ច្រាសគ្នា ដែលតាមសមត្ថកិច្ចថា រថយន្តម៉ាកហុីយ៉ាន់ដាយ ពណ៌ស ស្លាកលេខភ្នំពេញ៣C ៧៧៧៣ អ្នកបើកបររត់គេចបាត់ និងម៉ូតូម៉ាកវ៉េវ ពណ៌ខ្មៅ គ្មានស្លាកលេខ បើកបរដោយឈ្មោះ អោម មឿន ភេទប្រុស អាយុ៥៨ឆ្នាំ មានទីលំនៅភូមិសេរីដូច ឃុំអង្គកែវ ស្រុកទ្រាំង ខេត្តតាកែវ បណ្តាលឲ្យរងរបួសធ្ងន់ ត្រូវបានបញ្ជូនទៅសង្គ្រោះនៅមន្ទីរពេទ្យបង្អែកស្រុកស្រែអំបិល ។
ចំណែកវត្ថុតាងរថយន្តនិងម៉ូតូសមត្ថកិច្ចយកមករក្សាទុកនៅអធិការដ្ឋាននគរបាលស្រុកកំពង់សីលារង់ចាំការដោះស្រាយទៅតាមនីតិវិធី ៕ ឆ្លាម សមុទ្រ
