សារព័ត៌មាន នគរវត្ត តែងតែនាំមុខគេជានិច្ច
ខេត្តកំពង់ធំ៖ គ្រោះថ្នាក់ចរាចរណ៍រវាងរថយន្តបុកនឹងម៉ូតូក្នុងទិសដៅផ្ទុយគ្នាបណ្តាលឲ្យមនុស្សម្នាក់ស្លាប់ និងម្នាក់ទៀតរងរបួស និងខូចខាតម៉ូតូមួយគ្រឿង ។ ហេតុការណ៍នេះ បានកើតឡើងកាលពី វេលាម៉ោង១៩ និង៤៥នាទី ថ្ងៃទី២៩ ខែមេសា ឆ្នាំ២០១៩ នៅលើកំណាត់ផ្លូវលំក្រាលគ្រួសក្រហម ភូមិថ្មសំលៀង ឃុំក្រា ស្រុកសន្ទុក ខេត្តកំពង់ធំ ។
សមត្ថកិច្ចបានឲ្យដឹងថា រថយន្តមួយបាំងកន្លះពណ៌ប្រផេះ ម៉ាក ស្លាកលេខ និងអ្នកបើកបរមិនស្គាល់ បើកបរទិសដៅពីជើងទៅត្បូងគេចខ្លួនបាត់ ។
ម៉ូតូម៉ាក C100កូរ៉េ ពណ៌លឿង ស្លាកលេខគ្មាន បើកបរទិសដៅពីត្បូងទៅជើង ដោយឈ្មោះ ប៉ាំង ទ្រី ភេទប្រុស អាយុ២២ ឆ្នាំ នៅ ភូមិព្រៃស្រទ្បៅ ឃុំត្រពាំងទ្បាលិច ស្រុកបន្ទាយមាស ខេត្តកំពត មុខរបរកម្មករនៅក្រុមហ៊ុនចំការកៅស៊ូតានបៀន ស្លាប់នៅមន្ទីរពេទ្យបង្អែកបារាយណ៍-សន្ទុក មិនពាក់មួកសុវត្ថិភាព ។ អ្នករួមដំណើរឈ្មោះ យ៉ាង ហ័ន ភេទប្រុស អាយុ២៣ ឆ្នាំ នៅ ភូមិ ឃុំជាមួយគ្នា មុខរបរកម្មករនៅក្រុមហ៊ុនចំការកៅស៊ូតានបៀន របួសធ្ងន់ បញ្ជូនទៅមន្ទីរពេទ្យបង្អែកបារាយណ៍-សន្ទុក មិនពាក់មួកសុវត្ថិភាព ។
មូលហេតុ បង្កដោយរថយន្តបើកបរមិនប្រកាន់ស្តាំ ។
ក្រោយកើតហេតុ សមត្ថកិច្ចចុះវាស់វែងធ្វើកំណត់ហេតុ និងប្រមូលវត្ថុតាងមករក្សាទុកនៅអធិការដ្ឋាននគរបាល ស្រុក និងស៊ីបអង្គេតបន្ដ ៕ ប៊ុនរិទ្ធី
