សារព័ត៌មាន នគរវត្ត តែងតែនាំមុខគេជានិច្ច
ខេត្តស្វាយរៀង ៖ យ៉ាងហោចណាស់ សាច់មាន់ និងសាច់ជ្រូកនាំចូលតាមច្រករបៀង ប្រមាណជាង១០០គីឡូក្រាមដែលត្រូវបានឈ្មួញលួចបង្កប់នាំចូល ត្រូវបានមន្ត្រីការិយាល័យផលិតកម្ម និងបសុព្យាបាលក្រុងបាវិត ឃាត់ចាប់យកទៅដុតកម្ទេចចោល កាលពីព្រឹកថ្ងៃទី ២ ខែឧសភា ឆ្នាំ២០១៩ ស្ថិតក្នុងច្រករបៀងកៃមែ ក្បែរសាលាក្រុងបាវិត ។
យោងតាមប្រភពព័ត៌មានពីសមត្ថកិច្ចជំនាញបានឲ្យដឹងថា ដោយមានការសង្ស័យថា មានអ្នកលួចបង្កប់នាំចូលនូវមុខទំនិញ ដែលច្បាប់ហាមឃាត់នោះ ទើបមន្ត្រី កសិកម្ម និងមន្ត្រីបសុពេទ្យនៅក្រុងបាវិត បានសហការជាមួយកម្លាំងអធិការដ្ឋាននគរបាលក្រុង បានឃាត់បុរសម្នាក់ ដែលជាអ្នកដឹកទំនិញចេញ ចូល តាមច្រករបៀងកៃមែ ឈ្មោះ ថោង នី ដោយបានឆែកឆេរ និងចាប់បានសាច់មាន់ស្រស់ចំនួន៩៥គីឡូក្រាម និងគ្រឿងក្នុងជ្រូកចំនួន ៦៥ គីឡូក្រាម ដោយបានដឹកចូលខុសច្បាប់ពីប្រទេសវៀតណាម នៅផ្លូវលោក ហ៊ុន ណេង ជាប់នឹងសាលាក្រុងបាវិត ។
ប្រភពខាងលើបានឲ្យដឹងទៀតថា ៖ នៅក្នុងប្រតិបត្តិការនោះសមត្ថកិច្ចបានធ្វើកិច្ចសន្យាណែនាំឲ្យបុរសខាងលើត្រូវបញ្ឈប់ជាបន្ទាន់នូវការដឹកសាច់ខុស់ច្បាប់ចូលមកទៀតតែត្រូវ ដកហូតគ្រឿងក្នុងជ្រូកចំនួន៦៥គីឡូក្រាម ដែលសង្ស័យថា ខូចគុណភាពដុតកម្ទេចចោចោលតាមលតាមនីតិវិធីរបស់ពេទ្យសត្វផងដែរ ៕ យឹម សុថាន
