តាមបាញ់សម្លាប់គ្រូកីឡាដល់ក្នុងសាលាខឹងមានទំនាក់ទំនងស្នេហាជាមួយប្រពន្ធខ្លួននិងបង្ហោះបញ្ឈឺចិត្តតាមហ្វេសប៊ុក

ចែករំលែក៖

ខេត្តកំពង់ស្ពឺ ៖ គ្រូបង្រៀនផ្នែកកីឡាម្នាក់បានស្លាប់នៅក្នុងថ្លុកឈាមបន្ទាប់ពី រងនូវការបា់ញ់ប្រហារពីសំណាក់ជនដៃ ដល់ដោយមូលហេតុត្រូវបានដឹងថាដោយសារតែខឹងនឹងជនរងគ្រោះមានទំទាក់ទំទងស្នេហាជាមួយប្រពន្ធ របស់ខ្លួនហើយបង្ហោះតាមហ្វេសប៊ុកឌឺដងញយពេកក៏សម្រេច ចិត្តទិញកាំភ្លើងតាមបាញ់ប្រហារតែម្តង។

ក្រោយបាញ់សម្លាប់រួចជនដៃដល់ត្រូវបានសមត្ថកិច្ចឃាត់ខ្លួនព្រមទាំងដកហូតវត្ថុតាងកាំភ្លើងកា៥៤មួយដើមនិងម៉ូតូ១ គ្រឿង។

ករណីឃាតកម្មនេះបានកើតឡើងកាល ពីវេលាម៉ោង១២និង៤០នាទី ថៃ្ងពុធ ៥កើត ខែពិសាខ ឆ្នាំកុរ ឯកស័ក ព.ស.២៥៦២ ត្រូវនឹងថ្ងៃទី០៨ ខែឧសភា ឆ្នាំ២០១៩ នៅចំណុចអនុវិទ្យាល័យតាំងរបង ស្ថិតនៅភូមិតាំងរបង ឃុំហោងសំណុំ ស្រុក ឱរ៉ាល់ ខេត្តកំពង់ស្ពឺ។

ប្រភពពីកងរាជអាវុធហត្ថស្រុកឱរ៉ាល់បានឲ្យដឹងថា មានករណីឃាតកម្មមួយបានបង្កឡេីងដោយជនបង្ក ឈ្មោះ ជួន ធារីរាសី ភេទប្រុស អាយុ៣០ឆ្នាំ មុខរបរជាងមាស មានទីលំនៅភូមិទី៤ ឃុំព្រះពន្លា ក្រុងសិរីសោភ័ណ ខេត្តបន្ទាយមានជ័យ ដោយសារមានគំនុំ។ ជនដៃដល់បានយកកំាភ្លើង១ដើម ម៉ាកK54 អត់មានលេខ ទៅ បាញ់ជនរងគ្រោះឈ្មោះ ទូច វាសនា ភេទប្រុស អាយុ២៥ឆ្នាំ មុខរបរគ្រូកីឡា នៅអនុវិទ្យាល័យតាំងរបង មានទីលំនៅ ភូមិស្រង់ ឃុំស្រង់ ស្រុកគងពិសី ខេត្តកំពង់ស្ពឺ បណ្តាលឲ្យត្រូវ១គ្រាប់ ត្រង់កខាងស្តាំធ្លាយទៅថ្គាមខាងឆ្វេង បណ្តាលឲ្យស្លាប់នៅកន្លែងកើតហេតុ ខណៈជនរងគ្រោះកំពុងអង្គុយហូបបាយ។

ប្រភពបន្តថា ក្រោយបាញ់រួចជនដៃដល់ត្រូវបានប្រជាពលរដ្ឋ និងកម្លាំងកងរាជអាវុធហត្ថ និងទាំងនគរបាលស្រុកឪរ៉ាល់ ឃាត់ខ្លួនជាមួយវត្ថុតាងកាំភ្លើងខ្លី១ដើម និងម៉ូតូ១គ្រឿង ។

ក្រោយឃាត់ខ្លួនជនដៃដល់បានសារភាពថាបានជាខ្លួនប្រព្រឹត្តបែបនេះដោយសារតែគេខឹងនឹងជនរងគ្រោះមានទំទាក់ទំទងស្នេហាជាមួយប្រពន្ធរបស់ខ្លួនដែលមានស្រុកកំណើតនៅស្រុកគងពិសីជាមួយគ្នា ធ្វើឲ្យរូបគេមានការប្រេះឆាក្នុងគ្រួសារ ហើយបើទោះជារូបគេហាមមិនឲ្យទាក់ទងជាមួយប្រពន្ធរបស់គេក៏ជនរងគ្រោះមិនព្រមឈប់ដែរ។ ដោយហេតុនេះហើយទើបគេសម្រេចចិត្តទិញកាំភ្លើងទុកធ្វើបែបនេះតែម្តង។

ជនសង្ស័យបន្តថារូបគេនិងប្រពន្ធអានរៀបការជាមួយគ្នានៅឆ្នាំ២០១៥ហើយគេក៏ទៅធ្វើជាងមាសនៅខេត្តបន្ទាយមានជ័យ ហើយអំឡុងប៉ុន្មានឆ្នាំនេះគេបានដឹងថាជនរងគ្រោះ និងប្រពន្ធរបស់ខ្លួនមានទំនាក់ទំនងស្នេហាជាមួយគ្នារហូតបង្ហោះហ្វេសប៊ុកបញ្ឈឺគេទៀតផង។ ដោយសារតែបែបនេះហើយទើបគេទិញកាំភ្លើងហើយស្កាត់មកបាញ់ដល់សាលាតែម្តង។

បច្ចុប្បន្ន ជនសង្ស័យ និងវត្ថុតាងសម្ភារ ត្រូវបានបញ្ជូនមកស្នងការដ្ឋាននគរបាលខេត្តកំពង់ស្ពឺដេីម្បីអនុវត្តតាមនីតិវិធី។ចំណែកសពជនរងគ្រោះត្រូវបានក្រុម គ្រួសារដឹកយកទៅស្រុកកំណើតដើម្បីធ្វើបុណ្យតាមប្រពៃណី ៕ សេនាស័ក្តិ