សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ នគរបាលព្រហ្មទណ្ឌខណ្ឌចំការមន សហការជាមួយនគរប៉ុស្តិ៍បឹងកេងកង២បង្ក្រាបជនសង្ស័យធ្វើសកម្មភាពពីស្រ្តីជនបរទេសម្នាក់ឆក់យកទូរស័ព្ទបានសម្រេចហើយ ឃាត់បានជនសង្ស័យ២នាក់ និងស្រាវស្វែង រកចាប់បានបក្ខពួកមួយសំបុក ។
ហេតុការណ៍នេះបង្កការភ្ញាក់ផ្អើល កាលវេលាម៉ោង១១ និង០០នាទីយប់ ថ្ងៃទី១១ ខែឧសភា ឆ្នាំ ២០១៩ នៅចំណុចមុខផ្ទះលេខ១០២ ផ្លូវ១១៣ ស្ថិតនៅភូមិ២ សង្កាត់ បឹងកេងកងទី២ ខណ្ឌចំការមន រាជធានីភ្នំពេញ ។
លោកវរសេនីយ៍ត្រី ហ៊ាង ថារ៉េត អធិការរងទទួលផែនយុត្តិធម៌ ខណ្ឌចំការមន បានឃាត់ជនសង្ស័យ ទី១ ឈ្មោះ វ៉ាន់ សុខណាន់ ភេទប្រុស អាយុ ១៦ឆ្នាំ មុខរបរ សិស្ស ស្នាក់នៅផ្ទះគ្មានលេខ ភូមិត្នោតជ្រុំ សង្កាត់បឹងទំពុនទី២ ខណ្ឌមានជ័យ ។ ទី២ ឈ្មោះ រ៉ា វណ្ណឆាណុត ភេទប្រុស អាយុ ១៦ឆ្នាំ មុខរបរ សិស្ស ស្នាក់នៅផ្ទះ៦៥ ផ្លូវ៩៧ ភូមិ៥ សង្កាត់ផ្សារដើមថ្កូវ ខណ្ឌចំការមន ។ ទី៣ ឈ្មោះ កែ ធិតាកិត្យា ភេទប្រុស អាយុ ១៥ឆ្នាំ មុខរបរ សិស្ស ស្នាក់នៅផ្ទះជួល ភូមិត្នោតជ្រុំ សង្កាត់បឹងទំពុនទី២ ខណ្ឌមានជ័យ ។ និងទី៤ ឈ្មោះ ជា សុវណ្ណារ៉ា ភេទប្រុស អាយុ ១៦ឆ្នាំ មុខរបរសិស្ស ស្នាក់នៅផ្ទះលេខ៣៤០ ផ្លូវ៣៧០ សង្កាត់បឹងកេងកង១ ខណ្ឌចំការមន ទី៥ឈ្មោះ ប៉ែត ដារ៉ា ភេទប្រុស អាយុ១៧ ឆ្នាំ មុខរបរនៅផ្ទះ ស្នាក់នៅផ្ទះជួលសង្កាត់ស្ទឹងមានជ័យ២ ខណ្ឌមានជ័យ ឆក់២លើកក្នុងសង្កាត់ទន្លេបាសាក់ ខណ្ឌចំការមនទី១ស្ពានភ្លោះកោះពេជ្រអត់បានសម្រេចទូរស័ព្ទទី២ស្ពានឥន្ធូ អត់សម្រេច ។ ចំណែកជនរងគ្រោះ ឈ្មោះ Pustova Olha ភេទស្រី អាយុ ២៨ឆ្នាំ ជនជាតិអ៊ុយក្រែន ស្នាក់នៅសណ្ឋាគារហ្គូអ៊ីង ភូមិ៥ ក្រុម២៩ សង្កាត់បឹងកេងកង១ ខណ្ឌចំការមន ។
លោកវរសេនីយ៍ត្រី ហ៊ាង ថារ៉េត អធិការរងបន្តថា មុនកើតហេតុ កម្លាំងនគរបាលប៉ុស្តិ៍សហការជាមួយព្រហ្មទណ្ឌខណ្ឌ រួមនឹងការិយាល័យ ក្រសួងមហាផ្ទៃ និងការិយាល័យស្នងការក្រុងល្បាតក្នុងមូលដ្ឋានដើម្បីបង្ការបទល្មើសឆក់ លួចហើយក៏មានជនសង្ស័យ៤នាក់ជិះម៉ូតូម៉ាកម៉ូតូស៊ុយស៊ូគីលេត ពណ៌ស ពាក់ស្លាកលេខ ភ្នំពេញ ១CK ៩៧៦៩ម៉ូតូសង់ប៊ិច ពណ៌ខ្មៅ ពាក់ស្លាកលេខ ភ្នំពេញ ១CD៣៥៨៨ធ្វើសកម្មភាពឆក់ទូរស័ព្ទពីស្រ្តីជនបរទេសដែលកំពង់ជិះម៉ូតូកង់បីដៃកាន់ទូរស័ព្ទរួចជនសង្ស័យព្យាយាមបើករត់គេចខ្លួនតែកម្លាំងនគរបាលដេញតមឃាត់បាននៅផ្លូវសហព័ន្ធរស្សុីឃាត់បានជនសង្ស័យ២នាក់នាំមកស្នាក់ការប៉ុស្តិ៍សួរនាំ ។
ក្រោយពីសាកសួរនាំស្វែងរកចាប់ដល់ផ្ទះសំណាក់៣៤២ដែលស្នាក់នៅបន្ទប់លេខ២១៦ និង២១៧ជាន់ ទី២ មានគ្នាចំនួន៧នាក់ ស្រី២នាក់ តែពាក់ព័ន្ធករណី ប្រុស៣នាក់ទេ ក្រៅពីនេះ មិនពាក់ព័ន្ធឲ្យត្រឡប់ទៅវិញហើយចំណែកជនសង្ស័យសរុប៥នាក់ និងម៉ូតូ២គ្រឿងឃាត់ខ្លួនបញ្ជូលទៅអធិការដ្ឋាននគរបាលខណ្ឌចំការមន ដើម្បីកសាងសំណុំរឿងចាត់ការតាមផ្លូវច្បាប់ ៕ ស រស្មី
