សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ នៅរសៀលថ្ងៃទី២៥ ខែឧសភា ឆ្នាំ២០១៩ គណៈបញ្ជាការឯកភាពខណ្ឌច្បារអំពៅ ដឹកនាំដោយលោក ណុប ផា អភិបាលរងខណ្ឌ បានចុះបង្ក្រាបល្បែងជល់មាន់តាមអនឡាញ យីហោ កាហ្វេអង្រឹង ដុង ហេងលី ស្ថិតនៅផ្ទះលេខ៧៨ ភូមិកណ្តាល១ ផ្លូវ៣៥៧ សង្កាត់ច្បារអំពៅ ។
ក្នុងប្រតិបត្តិការនេះ លោក ម៉ៅ សឿត អធិការរងខណ្ឌច្បារអំពៅ បានឲ្យដឹងថា សមត្ថកិច្ចបានដកហូត ម៉ូតូ ចំនួន ៣៥គ្រឿង និងទូរទស្សន៍ ១៤គ្រឿង ព្រមទាំងតុ កៅអី និងអ្នកលេងជាច្រើននាក់ផងដែរ ។
ក្នុងនោះ លោកបានបញ្ជាក់ថា ចំពោះអ្នកលេងទាំងនោះ គឺអប់រំ និងធ្វើកិច្ចសន្យា រួចហើយ និងអនុញ្ញាតឲ្យត្រឡប់ទៅផ្ទះវិញ ។ ដោយឡែក ចំពោះម្ចាស់ទីតាំង ម្នាក់ និងអ្នកមើលការខុសត្រូវ ចំនួន៣នាក់ សមត្ថកិច្ចកសាងសំណុំរឿង ដើម្បីចាត់ការផ្លូវច្បាប់ ៕ សណ្តោស
