សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ជនសង្ស័យម្នាក់ ត្រូវបានកម្លាំងនគរបាលខណ្ឌឫស្សីកែវ ក្របួចជាប់ម្នាក់ រីឯម្នាក់ទៀតរត់គេចខ្លួនបាត់ ខណៈដែលពួកគេបានធ្វើសកម្មភាពឆក់កាបូបលុយពីនារីម្នាក់បានសម្រេចហើយ ប៉ុន្តែបណ្ដាលឲ្យធ្លាក់ពីលើម៉ូតូ ។
ករណីឃាត់ខ្លួនជនសង្ស័យខាងលើនេះ បានធ្វើឡើងកាលពីវេលាម៉ោង៨យប់ ថ្ងៃទី២៣ ខែមិថុនា ឆ្នាំ២០១៩ នៅចំណុចផ្លូវបេតុង ក្រុមទី៥ ភូមិ បឹងសាឡាង សង្កាត់ឫស្សីកែវ ខណ្ឌឫស្សីកែវ ។
ជនសង្ស័យម្នាក់ក្នុងចំណោមបក្ខពួក២នាក់ ឈ្មោះ សន សុីនួន ភេទប្រុស អាយុ២០ឆ្នាំ មុខរបរ ទីលំនៅមិនពិតប្រាកដ (ប្រើប្រាស់ថ្នាំញៀន)។ ចំណែកជនរងគ្រោះឈ្មោះ ហេង សុភាព ភេទស្រី អាយុ៤០ឆ្នាំ មានទីលំនៅផ្ទះជួល ផ្លូវលំសង្កាត់ ទួលសង្កែ១ ខណ្ឌឫស្សីកែវ ។
តាមប្រភពពីមន្រ្តីនគរបាលខណ្ឌឫស្សីកែវ បានឲ្យដឹងថា មុនពេលកើតហេតុជនរងគ្រោះចេញពីកម្មវិធីឡើងគេហដ្ឋានថ្មីរងចាំជិះរុឺម៉ក ដើម្បីទៅផ្ទះភ្លាមនោះជនសង្ស័យបានជិះម៉ូតូមកអែប ហើយធ្វើសកម្មភាពឆក់យកកាបូបហើយធ្លាក់ពីលើម៉ូតូរត់ រួចត្រូវសមត្ថកិច្ចកំពង់ល្បាតឃាត់បានម្នាក់យកមកប៉ុស្តិ៍ ដើម្បីសាកសួរបន្តនិតិវិធី ។ សម្ភារដកហូតមាន៖ ១.កាបូបចំនួន១ ក្នុងនោះ មានទូរស័ព្ទដៃ១គ្រឿង ម៉ាកអាយហ្វូនសុីវ៉ែនប្លើស, ២.ប្រាក់ដុល្លាចំនួន៦០ដុល្លាបានប្រគល់ជូនជនរងគ្រោះវិញ ។
បច្ចុប្បន្នជនសង្ស័យ ត្រូវបានឃាត់ខ្លួនបណ្ដោណអាសន្ននៅអធិការដ្ឋាននគរបាលខណ្ឌឫស្សីកែវ ដើម្បីកសាងសំណុំរឿបញ្ជូនទៅតុលាការចាត់ការតាមច្បាប់ ៕ ធឿនព្រែកជ័យ
