សារព័ត៌មាន នគរវត្ត តែងតែនាំមុខគេជានិច្ច
ខេត្តឧត្តរមានជ័យ ៖ នៅល្ងាចថ្ងៃទី២៤ខែ មិថុនា ឆ្នាំ២០១៩ កម្លាំងចម្រុះដឹកនាំដោយ លោក វ៉ាត ប៉ារ៉ានីន អភិបាលរងខេត្តឧត្តរមានជ័យ ព្រះតេជគុណ ប៊ុន សាលួត ប្រធានសហគមន៍ព្រៃសង្ឃរុក្ខាវ័ន មន្ទីរបរិស្ថាន មន្ត្រីឧទ្យានុរក្ស សមាជិកសហគមន៍ កងកម្លាំងប្រដាប់អាវុធ សរុបចំនួន៦៧នាក់បានចុះបង្ក្រាបបទល្មើសកាប់ និងដឹកជញ្ជូនឈើក្នុងដែនជម្រកសត្វព្រៃសង្ឃរុក្ខាវ័ន ចំណុចភ្នំស្វាយ និងខាងត្បូងភ្នំក្រោលក្នុងភូមិចារថ្មី ឃុំលំទង ស្រុក អន្លង់វែង។
ការបង្ក្រាបនោះចាប់ និងដកហូតគោយន្តចំនួន ០៤ គ្រឿង ដែលជនសង្ស័យបានទុកចោលហើយរត់គេចខ្លួន។ ដោយស្ថានភាពមេឃភ្លៀង គោយន្តជាប់ផុង និងមួយគ្រឿង ត្រូវជនសង្ស័យកាប់បំបែកកង់ កម្លាំងយកបានតែក្បាលគោយន្ត០៣គ្រឿង និងកន្ទុយសន្តោងមួយគ្រឿងមកកាន់ស្នាក់ការ លុះព្រឹកថ្ងៃ២៥ ខែមិថុនា មន្ត្រីឧទ្យានុរក្សបានត្រលប់ទៅវិញ ឃើញនៅសល់តែកន្ទុយរ៉ឺម៉កគោយន្ត០៣គ្រឿង ចំណែកក្បាលគោយន្តមួយគ្រឿង ត្រូវជនសង្ស័យអូសយកទៅបាត់។ មន្ទីរ បានកំពុងរៀបចំសំណុំរឿងបញ្ជូនទៅតុលាការ ៕ ប៉ែន នួន
