សារព័ត៌មាន នគរវត្ត តែងតែនាំមុខគេជានិច្ច
ខេត្តឧត្ដរមានជ័យ៖ អេស្កាវ៉ាទរ័ សម្អាតដីចម្ការ ជាន់មីនតោន ផ្ទុះដាច់កង់មួយចំហៀង សំណាងល្អតៃកុងរួចផុតពីគ្រោះថ្នាក់ ។
ហេតុការណ៍បានកើតឡើងថ្ងៃទី០៣ ខែកក្កដា ឆ្នាំ២០១៩ នៅចំណុចអូរហាសិប ស្ថិតក្នុងភូមិប្រាសាទក្រហមសែនជ័យ ឃុំព្រះប្រឡាយ ស្រុកត្រពាំងប្រាសាទ ខេត្តឧត្ដរមានជ័យ ។
សមត្ថកិច្ចបានឲ្យដឹងថាករណីផ្ទុះមីនតោនខាងលើ បណ្តាលមកពីអេស្កាវាទ័រ ០១គ្រឿង បើកបរដោយឈ្មោះ ទុយ តុលា ភេទ ប្រុស អាយុ ៣០ឆ្នាំ មានទីលំនៅ ភូមិក្រសាំងថ្មី ឃុំជប់បូរ ស្រុកព្រះនេត្រព្រះ ខេត្តបន្ទាយមានជ័យ បានបើកអេស្កាវ៉ាទ័រទៅកាយព្រៃសម្អាតដីក្នុងចម្ការ ខណៈកំពុងកាយព្រៃ ស្រាប់តែបរទៅ កិនចំពីលើមីនតោន បណ្តាលឲ្យផ្ទុះតែម្ដង និងបានបង្កការខូចខាតអេស្កាវ៉ាទ័រ ដាច់ច្រវាក់ផ្នែកឆ្វេង ចំណែកតៃកុងពុំមានរងរបួសឡើយ ។
ក្រោយកើតហេតុភ្លាមនោះ កម្លាំងប៉ុស្តិ៍នគរបាលរដ្ឋបាលឃុំព្រះប្រឡាយ បានចុះទៅពិនិត្យដល់កន្លែងកើតហេតុ និងអាចបញ្ជាក់បានថា ពីជាបង្កឡើងដោយមីនតោន ដែលជាគ្រាប់យុទ្ធភណ្ឌ័កប់ក្រោមដី នាសម័យសង្គ្រាមពិតប្រាកដមែន ៕ ប៉ែន នួន
