សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ជនសង្ស័យម្នាក់ត្រូវសមត្ថកិច្ចប៉ុស្តិ៍គោកឃ្លាងឃាត់ខ្លួនក្រោយពីរូបគេបានធ្វើសកម្មភាព លួចយកទូរសព្ទ័ដៃរបស់ជនរងគ្រោះដែលកំពុងដេកក្នុងបន្ទប់ ។ ករណីនេះ បានកើតឡើងកាលពីវេលាម៉ោង០៣ និង៣០នាទីរំលងអធ្រាត្រ ឈានចូលថ្ងៃទី២៥ ខែកក្កដា ឆ្នាំ២០១៩ នៅចំណុចលេខ២C ផ្លូវបេតុង ភូមិគោកឃ្លាង សង្កាត់គោកឃ្លាង ខណ្ឌសែនសុខ ។
ជនសង្ស័យមាន ឈ្មោះ លន់ សុខចាន់ ភេទប្រុស អាយុ២៥ឆ្នាំ ជនជាតិខ្មែរ មុខរបរមិនពិតប្រាកដ ស្នាក់នៅផ្ទះលេខ២២៩ ផ្លូវជាតិលេខ៦ ភូមិគៀនឃ្លាំង សង្កាត់ជ្រោយចង្វា ខណ្ឌជ្រោយចង្វា (មានសារធាតុញៀន) ។ ចំណែកជនរងគ្រោះ ឈ្មោះ ថៃ ម៉ូលីន ភេទប្រុស អាយុ៣៦ឆ្នាំ ជនជាតិខ្មែរ មុខរបរបុគ្គលិកក្រុមហ៊ុនឯកជន ស្នាក់នៅផ្ទះលេខ២ ផ្លូវបេតុង ភូមិគោកឃ្លាង សង្កាត់គោកឃ្លាង ខណ្ឌសែនសុខ ។
សម្ភារបន្សល់ទុក ៖ ទូរសព្ទ័ដៃ០១គ្រឿង ម៉ាក 0NE + ។
សមត្ថកិច្ចបញ្ជាក់ថា មុនពេលកើតហេតុ ជនរងគ្រោះជនរងគ្រោះកំពុងដេកក្នុងបន្ទប់របស់ខ្លួន ស្រាប់តែមានជនសង្ស័យ ខាងលើ បានធ្វើសកម្មភាពបើកមុងរបស់ជនរងគ្រោះលួចយកទូរសព្ទដៃបានរួចគេចខ្លួន បន្ទាប់មកកម្លាំងល្បាតប៉ុស្តិ៍គោកឃ្លាងបានល្បាតឃើញជនសង្ស័យកំពុងដើរតាមផ្លូវ ដោយសង្ស័យសមត្ថកិច្ចយើងបានឃាត់ខ្លួនជនសង្ស័យត្រួតពិនិត្យ រកឃើញវត្ថុតាងខាងលើ និងមានចម្លើយសារភាពរបស់ជនសង្ស័យ សមត្ថកិច្ចយើងក៍នាំខ្លួនជនសង្ស័យយកមកសាកសួរនៅអធិការដ្ឋាននគរបាលខណ្ឌសែនសុខ ។ បច្ចុប្បន្ន ជនសង្ស័យកំពុងឃាត់ខ្លួននៅអធិការដ្ឋាននគរបាលខណ្ឌសែនសុខ ដើម្បីអនុវត្តតាមនីតិវិធី ៕តុង សីហា
