សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ បុរសម្នាក់បើករថយន្តមួយ គ្រឿង ក្នុងល្បឿនយ៉ាងលឿន ហើយរេចង្កូតជ្រុលបុករថយន្ត NISSANNAVARA ចំពេញ ទំហឹងបណ្តាលឲ្យរងការខូចខាតទាំងសងយ៉ាងដំណំ ។
ហេតុការណ៍នេះ បានកើតឡើងកាលពីវេលា ម៉ោង២ និង៣៥នាទីរំលងអធា្រត្រ ឈានចូលថ្ងៃទី៥ ខែកញ្ញា ឆ្នាំ២០១៩ តាមបណ្តោយផ្លូវ១៦១ នៅចំណុចក្បែរ រង្វង់មូលវត្តសំពៅមាស ក្នុងសង្កាត់បឹងព្រលឹត ខណ្ឌ៧មករា រាជធានីភ្នំពេញ ។
តាមប្រភពព័ត៌មានពីសាក្សី ដែលឃើញហេតុការណ៍បានឲ្យ ដឹងថា មុនពេលកើតហេតុ គេបានឃើញបុរស២នាក់ជិះ រថយន្តមួយគ្រឿងម៉ាកហាយឡេនឌ័រ ពណ៌ខៀវ ពាក់ស្លាកលេខ ភ្នំពេញ 2AM-0687 បើកបរតាមបណ្តោយផ្លូវ១៦១ ក្នុងទិសដៅពីត្បូងទៅជើង ពេលបើកមកដល់ចំណុចកើត ហេតុបានជ្រុលចង្កូតទៅបុក នឹងរថយន្តមួយគ្រឿងទៀត ម៉ាករថយន្ត NISSANNAVARA ពណ៌ទឹកប្រាក់ពា់ស្លាកលេខ ភ្នំពេញ 2T-7207 បើកបរតាមបណ្តោយផ្លូវ ១៦១ ក្នុងទិសដៅពីជើងទៅត្បូងបើកបរដោយជនជាតិចិនក្នុង ល្បឿនលឿនដូចគ្នាជ្រុលទៅបុក និងរថយន្ត NISSANNAVARA ចំពេញទំហឹងផ្នែកខាងឆ្វេង រងការខូចខាតយ៉ាងដំណំ ចំណែករថយន្តហាយឡេនឌ័រ ដាច់កាឡេកង់មុខផ្នែកខាងឆ្វេង និងធ្លាក់កាងមុខរីឯរថយន្ត NISSANNAVARA វិញរងការខូចខាតកំពិតទ្វារមុខក្រោយផ្នែកខាងឆ្វេងយ៉ាងដំណំ ហើយភាគីទាំងសងខាងបានសម្របសម្រួលនៅកន្លែងកើតហេតុតែម្តង ព្រោះមិនចង់មានរឿងវែងឆ្ងាយ ។
ក្រោយពេលកើតហេតុខាង ភាគីរថយន្តហាយឡេនឌ័រ ធានាជួសជុលឲ្យខាងរថយន្ត NISSANNAVARA ដើម្បីបញ្ចប់រឿង ៕ ធឿនព្រែកជ័យ
