រថយន្តតូយូតាព្រូសបើកបុកក្បាលព្រួញពុះចែកទ្រូវផ្លូវក្រឡាប់ផ្ងារច្រងាង និងបណ្តាលឲ្យស្ត្រីម្នាក់រងរបួសធ្ងន់

ភ្នំពេញ ៖ រថយន្តតូយូតាព្រូសមួយគ្រឿងបើកបរលក្ខណៈគ្រួសារមានក្មេងចាស់ប្រុសស្រី បានបុកក្បាលព្រួញពុះចែកទ្រូវផ្លូវបណ្តាលឲ្យបាក់អស់២កង់ ឯរថយន្តក្រឡាប់ផ្ងារជើងឡើងលើនិងររបួសស្ត្រីម្នាក់ធ្ងន់ កាលពីវេលា១១ និង៤០នាទីយប់ ថ្ងៃទី២២ ខែកញ្ញា ឆ្នាំ២០១៩ ស្ថិតនៅចំណុចមុខក្រសួងវប្បធម៌និងវិចិត្រសិល្បះ តាមបណ្តោយផ្លូវព្រះនរោត្តម ក្នុងសង្កាត់ទន្លេរបាសាក់ ខណ្ឌចំការមន។

តាមប្រភព័ព៌មានពីកន្លែងកើហេតុបានឲ្យដឹងថា មុនកើតហេតុគេឃើញរថយន្តតូយូតាព្រូសមួយគ្រឿង ពណ៌ទឹកប្រាក់ ពាក់ស្លាកលេខ ភ្នំពេញ 2BA-3550 បើកបរជាលក្ខណៈគ្រួសារមានក្មេងចាស់ប្រុសស្រី៤-៥នាក់ បានធ្វើដំណើរចុះពីលើស្ពានអាកាសក្បាលថ្នល់ ទិសដៅពីត្បូងទៅជើង ខណៈមកដល់ចំណុចកើតហេតុខាងលើបានរេចង្កូតមកខាងឆ្វេងដៃជ្រុលទៅបុក្បាលព្រួញពុះចែកទ្រូងផ្លូវបាក់អស់២កង់ និងធ្វើឲ្យរថយន្តក្រឡាប់ផ្ងារជើងច្រង៉ាងនិងខ្ទេចផ្នែកខាងមុខយ៉ាងដំណំ ព្រមទាំងបណ្តាលស្ត្រីម្នាក់រងរបួសដៃម្ខាងធ្ងន់ ហើយត្រូវបានសាច់ញាតិបញ្ជូនទៅសង្គ្រោះនៅឯមន្ទីរពេទ្យភ្លាមៗ។

ក្រោយកើយហេតុ សមត្ថកិច្ចមូលដ្ឋានបានចុះមកដល់ ហើយបានទំនាក់ទំនងទៅសមត្ថកិច្ចជំនាញចរាចរណ៍មកធ្វើការវាស់វែងយករថយន្តទៅរក្សាទុកនៅការិយាល័យចរាចរណ៍ផ្លូវគោករាជធានីភ្នំពេញរង់ចាំដោះស្រាយគ្នាទៅតាមច្បាប់៕ ភារ៉ា ដង្កោ