សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ រថយន្តកុងតឺន័រ សណ្តោងរុឺម៉ក បើកបុកកិនម៉ូតូសេ១២៥ពីក្រោយ ផ្លោងជនរងគ្រោះចេញ កល់ជាប់ម៉ូតូក្រោមកង់ឡាន កាលពីវេលាម៉ោង៩និង១០នាទីព្រឹក ថ្ងៃទី០២ ខែតុលា ឆ្នាំ២០១៩ ត្រង់ចំណុចរង្វង់មូលចោមចៅជ្រុងខាងជើង ភូមិព្រៃជីសាក់ សង្កាត់ចោមចៅទី៣ ខណ្ឌពោធិ៍សែនជ័យ ។
ជនរងគ្រោះ ឈ្មោះ វ៉ន សាត ភេទប្រុស អាយុ៧៦ឆ្នាំ មុខរបរ កសិករ មានទីលំនៅភូមិក្បាលំរី២ សង្កាត់កាកាប២ ខណ្ឌពោធិសែនជ័យ ។
សាក្សីនៅកន្លែងកេីតហេតុបានឲ្យដឹងថា មុនកើតហេតុ ជនរងគ្រោះជិះម៉ូតូមួយគ្រឿងម៉ាកហុងដា សេ១២៥ សេរី២០០៦ ពណ៌ខ្មៅ ពាក់ស្លាកលេខ ភ្នំពេញ 1I-2024 ឌុបចៅប្រុសម្នាក់អាយុ១៤ឆ្នាំ ធ្វើដំណើរចេញពីផ្ទះក្នុងបំណង់ទៅមើលទឹកស្រែ នៅម្តុំផ្លូវជាតិលេខ៣ ខាងត្រាំខ្នា ស្រុកគងពិសី ធ្វើដំណើរពីកើតទៅលិច ដល់ចំណុចខាងលើ ត្រូវបានរថយន្តកុងតឺន័រ សណ្តោងរុឺម៉ក ពណ៌បៃតង លឿង ពាក់ស្លាកលេខ ភ្នំពេញ 3A-5727 បើកស្របទិស ជ្រុលមកបុកកិនម៉ូតូពីក្រោយ បណ្តាលឲ្យរងរបួស២នាក់តានិងចៅ អ្នកបើកបររថយន្ត ចុះរត់គេច ត្រូវបាននគរបាលចរាចរណ៍ក្រុង ប្រចាំគោលដៅខាងលើ រត់ចែកជើងគ្នាដេញស្ទាក់ចាប់ឃាត់បាន ។
ក្រោយកើតហេតុ ជនរងគ្រោះជនរងគ្រោះ ត្រូវបានសាច់ញាតិមកយកទៅពេទ្យ ចំណែករថយន្តបង្កនិងម៉ូតូ ត្រូវបាននគរបាលយកដាក់គៀនខាង ដើម្បីបញ្ជៀសការកកស្ទះ និងប្រគល់ជំនាញ យកទៅរក្សាទុក រង់ចាំដោះស្រាយពេលក្រោយ ៕សុខាសែនជ័យ
