សារព័ត៌មាន នគរវត្ត តែងតែនាំមុខគេជានិច្ច
ខេត្តកំពង់ធំ៖ អគ្គិភ័យឆាបឆេះផ្ទះចំនួន០២ខ្នង និងឆេះតូបចំនួន០១ កាលពីវេលាម៉ោង០០ និង២០នាទី រំលងអធ្រាត្រ ឈានចូល ថ្ងៃពុធ ១០រោច ខែអស្សុជ ឆ្នាំកុរ ឯកស័ក ព.ស ២៥៦៣ ត្រូវនឹងថ្ងៃទី២៣ ខែតុលា ឆ្នាំ ២០១៩ ស្ថិតនៅភូមិតាំងគោក ឃុំសូយោង ស្រុកតាំងគោក ។
សមត្ថកិច្ចបានឲ្យដឹងថា ម្ចាស់ផ្ទះឈ្មោះ សួន សុវណ្ណរិទ្ធ ភេទប្រុសអាយុ៥៧ឆ្នាំ ។ ផ្ទះធ្វើអំពីឈើ ដំបូលប្រក់ក្បឿង ជញ្ជាំងក្តារ ទំហំ០៦ម៉ែត្រគុណនឹង០៧ម៉ែត្រ ខូចខាត អស់ទាំងស្រុង ។ ម្ចាស់ផ្ទះឈ្មោះ គង់ ឆេងអុីម ភេទស្រី អាយុ៨៧ឆ្នាំ ។ ផ្ទះធ្វើអំពីឈើ ដំបូលប្រក់ក្បឿង ជញ្ជាំងក្តារ ទំហំ០៧ម៉ែត្រគុណនឹង១២ម៉ែត្រ ខូចខាត អស់ទាំងស្រុង ។ ម្ចាស់តូបឈ្មោះ គង់ ឆេងអុីម ភេទស្រី អាយុ៨៧ឆ្នាំ ។ តូបធ្វើអំពីស័ង្កសី ទំហំ០៣ម៉ែត្រគុណនឹង០៣ម៉ែត្រ ។ ខូចខាត អស់ទាំងស្រុង។ មូលហេតុ ឆ្លងចរន្តអគ្គីសនី។
ករណីអគ្គិភ័យខាងលើពុំបណ្តាលឲ្យរងគ្រោះថ្នាក់ដល់មនុស្សឡើយ ក្នុងហេតុការណ៍នោះ សមត្ថកិច្ចបានប្រើប្រាស់រថយន្តអគ្គិភ័យ បានចេញអន្តរាគមន៍សរុបចំនួន០៤គ្រឿង ប្រើប្រាស់ទឹកសរុបចំនួន២៨ម៉ែត្រគូប ប៉ុន្តែផ្ទះនៅតែឆេះអស់ទាំងស្រុង ៕ ប៊ុនរិទ្ធី
