រថយន្តបីគ្រឿងបុកតគ្នាធ្វើឲ្យមនុស្សម្នាក់ស្លាប់ និង៣នាក់ផ្សេងទៀតរងរបួសធ្ងន់ ស្រាល

ប៉ោយប៉ែត៖ គ្រោះថ្នាក់ចរាចរណ៍ដ៏រន្ធត់ រថយន្ត៣គ្រឿង បុកគ្នា ហើយខ្ទាតទៅប៉ះនឹងម៉ូតូ១គ្រឿងទៀត បណ្តាលឲ្យមានជនរងគ្រោះម្នាក់ស្លាប់  និង៣នាក់ ផ្សេងទៀត រងរបួសធ្ងន់-ស្រាល កាលពីវេលាម៉ោង ១និង៤០នាទីរសៀល ថ្ងៃទី៦ ខែវិច្ឆិកា ឆ្នាំ២០១៩ តាមបណ្ដោយផ្លូវជាតិលេខ៥ ចំណុចខាងមុខវិទ្យាល័យនិមិត្ត ស្ថិតនៅភូមិនិមិត្តថ្មី សង្កាត់និមិត្ត ក្រុងប៉ោយប៉ែត ខេត្តបន្ទាយមានជ័យ ។

សមត្ថកិច្ចមូលដ្ឋានប្រាប់ថា មុនកើតហេតុ មានរថយន្តឡិចស៊ីស Lexus 330 ពណ៍ស ពាក់ស្លាកលេខ ភ្នំពេញ 2AM-7790 មួយគ្រឿងបើកបរពីទិសខាងលិច ទៅទិសខាងកើត ដល់ចំណុចកើតហេតុ បានបុក នឹងរថយន្តធុនធំ ពណ៍ខៀវ ពាក់ស្លាកលេខ ព្រះសីហនុ 3A-3351 ដែលបើកពីទិសខាងកើត ពីទិសខាងលិច (ច្រាសទិសគ្នា) ហើយរថយន្តធុនធំបានរេចង្កូតទៅបុកនឹងរថយន្តដឹកសាំងមួយគ្រឿងទៀត ពាក់ស្លាកលេខ ភ្នំពេញ3A-4243 បើកបរពីទិសខាងលិចទៅកើត ហើយក៏មានម៉ូតូមួយគ្រឿងម៉ាក Honda Dream125 ពណ៍ខ្មៅ ២០១០ ពាក់ស្លាកលេខ ប.មានជ័យ 1D-1737 មកពីទិសខាងលិចទៅកើត បានបុករថយន្តដឹកសាំង បន្ថែមបណ្តាល ឲ្យគ្រោះថ្នាក់តែម្តង ។ 

 សមត្ថកិច្ចបន្ថែមថា ភាគីរថយន្ត Lexus330 អ្នកបើកបរឈ្មោះ គង់ សារុន (ស្លាប់) និងប្រពន្ធរងរបួសស្រាល ។ 

ចំពោះភាគីរថយន្ត កុងទីន័រ អ្នកបើកបររត់គេចខ្លួនបាត់ ហើយភាគីរថយន្ត ដឹកសាំង 

មិនស្គាល់អត្តសញ្ញាណអ្នកបើកបររងរបួសរបួសស្រាល ០១នាក់ រីឯភាគីម៉ូតូ មិនទាន់ស្គាល់អត្តសញ្ញាណរងរបួសធ្ងន់ ត្រូវក្រុមរថយន្តដឹកសង្គោៈបន្ទាន់ទៅមន្ទីពេទ្យ ។ ចំពោះរថយន្តក្នុងហេតុការណ៍គ្រោះថ្នាក់ចរាចរ រងការខូចខាតរួមមាន រថយន្ត Lexus 330 (ខូចធ្ងន់), ភាគីរថយន្តធុនធំ(ខូចធ្ងន់), ភាគីរថយន្ត ដឹកសាំង(ខូចធ្ងន់)  និងភាគីម៉ូតូ (ខូចធ្ងន់) ។

សមត្ថកិច្ចបញ្ជាក់ថា ចំពោះរថយន្តនិងទោចចក្រយាន្តយន្ត ក្រោយពីវាស់វែង សមត្ថកិច្ចយកទៅរក្សានៅប៉ុស្តិ៍រដ្ឋបាលនិមិត្តរង់ចាំដោះស្រាយតាមផ្លូវច្បាប់៕ វណ្ណា