សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ២នាក់ប្ដីប្រពន្ធជនជាតិចិនជិះម៉ូតូឌុបគ្នាមកពីទិញសាច់ជ្រូក ត្រូវចោរមួត្រូវចោរមួយក្រុមបើកម៉ូតូ៣គ្រឿងមិនចាំម៉ាក ធ្វើសកម្មភាពឆក់កាបូប បានសម្រេចរួចនាំគ្នាបើកគេចខ្លួនបាត់ស្រមោល។
ហេតុការណ៍នេះបង្កឲ្យមានការភ្ញាក់ផ្អើលឡើងកាលពីម៉ោង៤ទៀបភ្លឺ ថ្ងៃទី១៦ ខែវិច្ឆិកា ឆ្នាំ២០១៩ នៅ តាមបណ្ដោយផ្លូវសហព័ន្ធរុស្ស៊ ចំណុចគល់ស្ពានអាកាសផ្សារដីហុយ សង្កាត់ទឹកថ្លា ខណ្ឌសែនសុខ រាជធានីភ្នំពេញ។
ប្រភពព័ត៌មាននៅកន្លែងកើតហេតុបានឲ្យដឹងថាា មុនកើតហេតុគេឃើញ ជនជាតិចិន ប្រុសស្រី២នាក់បើកម៉ូតូមួយគ្រឿងម៉ាក ធូដេ ពណ៌ក្រហម ពាក់ស្លាកលេខភ្នំពេញ1HD-9073ធ្វើដំណើរតាមបណ្ដោយ ផ្ផ្លូវសហព័ន្ធរុស្ស៊ីក្នុង ទិសដៅពីកើតទៅលិច ខណៈមកដល់ចំណុចកើតណុចកើតហេតុស្រាប់តែមានជនសង្ស័យមួយក្រុមបើក ៣គ្រឿងមកពីក្រោយរួចបានធ្វើសកម្មភាពឆក់កាបូបពីស្ត្រី ដែលអង្គុយនៅខាងក្រោយបានសម្រេច បណ្ដាលឲ្យជនរងគ្រោះដួលម៉ូតូរបួសទាំង២នាក់ ចំណែកក្រុមជនសង្ស័យ ជិះម៉ូតូគេចខ្លួនបាត់ស្រមោល ។
ក្រោយកើតហេតុភ្លាមៗជនរងគ្រោះត្រូវបានរថយន្តសាមុយដឹកយកទៅសង្គ្រោះនៅមន្ទីរពេទ្យ និងលើកម៉ូតូជនរងគ្រោះទៅជាមួយផងដែរ ។
បន្ទាប់ពីកើតហេតុទើបឃើញមានកម្លាំងសមត្ថកិច្ច មូលដ្ឋាន ចុះមកដល់ សួរនាំគេឯងនៅកន្លែងកើតហេតុ ខណៈដែលជនរងគ្រោះត្រូវបានរថយន្តសង្គ្រោះដឹកទៅមន្ទីរពេទ្យបាត់អស់ហើយ ៕ ជ្រោយពេជ្រ
