សារព័ត៌មាន នគរវត្ត តែងតែនាំមុខគេជានិច្ច
ខេត្តប៉ៃលិន៖ យុវតីម្នាក់សង្ស័យពុលផ្លៃភ្ញៀវ ក្អួត និងចុកពោះ ពេលដែលរូបនាងបានទៅទិញផ្លែភ្ញៀវចំនួន១គីឡូក្រាម នៅក្នុងភូមិ យកមកហូប ១សន្ទុះក៏ចុកពោះវិលមុខ ក្អួត ចង្អោ ស្រែកឲ្យម្ដាយ ឪពុកជួយ ភ្លាមៗនោះ យុវតីរងគ្រោះត្រូវបានឪពុក និងម្ដាយលើកដាក់ម៉ូតូដឹកពី ចំណុចភូមិស្ពានអូរស្ពឺ ស្រុកសំឡូត ទៅកាន់មន្ទីរពេទ្យបង្អែកខេត្តប៉ៃលិនតែម្ដង ។
ហេតុការណ៍នេះ បានកើតឡើងកាលពីវេលាម៉ោង១០ និង៣០នាទីព្រឹក ថ្ងៃទី១៨ ខែវិច្ឆិកា ឆ្នាំ២០១៩ ស្ថិតនៅចំណុចភូមិ ឃុំ កើតហេតុខាងលើ ។ យុវតីរងគ្រោះឈ្មោះពៅ ស្រីមុំ អាយុ១៥ឆ្នាំ មានស្រុកកំណើត នៅខេត្តបាត់ដំបង បច្ចប្បន្នរស់នៅភូមិ ឃុំ កើតហេតុ ។
បើតាមសំដីរបស់យុវតីរងគ្រោះបាននិយាយប្រាប់ម្ដាយដឹងថា មុនពេលកើតហេតុ នាងបានដើរទៅទិញផ្លែភ្ញៀវនៅចុងភូមិ យកមកហូប កំពុងតែហូបផ្លែភ្ញៀវអស់ប្រហែល៧ផ្លែ មួយសន្ទុះក្រោយមកស្រាប់តែចុកពោះ ក្អួត ទន់ដៃជើង រួចក៏ស្រែកហៅឪពុក និងម្ដាយបងប្អូនជួយ ខណៈនោះឪពុក និងម្ដាយមកដល់ ឃើញកូនស្រី មានសភាពធ្ងន់ពេក ក៏លើកកូនដាក់លើម៉ូតូដឹកចេញពីផ្ទះ នៅភូមិស្ពានអូរស្ពឺ ស្រុកសំឡូត ដឹកយកទៅព្យាបាលនៅមន្ទីរពេទ្យបង្អែកខេត្តប៉ៃលិនភ្លាមៗ ៕ ស សារ៉េត
