រថយន្តឡិចស៊ីស៥៧០បេីកបុករថយន្តហាយឡែនឌ័រក្រឡាប់ផ្ងារជេីង

ភ្នំពេញ​៖​ រថយន្តឡិចស៊ីសLX៥៧០​មួយគ្រឿងបេីកក្នុងល្បឿនលឿនដល់ចំណុចផ្លូវបំបែកជាបួនមិនបន្ថយល្បឿនជ្រុលបុករថយន្តហាយឡែនឌ័រពីចំហៀងពេញទំហឹងបណ្តាលឲ្យក្រឡាប់ផ្ងារជេីងរថយន្តបង្កបេីកគេចខ្លួនបាត់។

ហេតុការណ៍នេះបានកេីតឡេីងកាលពីវេលាម៉ោង៣ ទៀបភ្លឺ ថ្ងៃទី២០ ខែវិច្ឆិកា ឆ្នាំ២០១៩ នៅចំណុចផ្លូវលេខ១០៥​កែងផ្លូវលេខ៤៣២​ ស្ថិតក្នុងសង្កាត់ទួលទំពូងទី១​ ខណ្ឌចំការមន​ រាជធានីភ្នំពេញ។

តាមសាក្សីនៅកន្លែងកេីតហេតុបានឲ្យដឹងថា​ មុនពេលកេីតហេតុ រថយន្តម៉ាកហាយឡែនឌ័រ ពណ៌ទឹកប៊ិច ពាក់ស្លាកលេខ ភ្នំពេញ 2BD 3208 ធ្វេីដំណេីរតាមបណ្តោយផ្លូវលេខ១០៥​ ក្នុងទិសដៅពីត្បូងទៅជេីងខណះមកដល់ចំណុចកេីតហេតុស្រាប់តែមានរថយន្តម៉ាកឡិចស៊ីសLX570 ពណ៍ពាក់ស្លាកលេខ ភ្នំពេញ 2AN1188 ធ្វេីដំណេីរតាមបណ្តោយផ្លូវលេខ៤៣២​ ក្នុងទិសដៅដៅពីលិចទៅកេីតក្នុងល្បឿនលឿនក៏ជ្រុលបុករថយន្តហាយឡែនឌ័រពីចំហៀងពេញទំហឹងបណ្តាលឲ្យក្រឡាប់ផ្ងារជេីងចំណែករថយន្តបង្កបានបេីកគេចខ្លួនបាត់ដោយបន្សល់ស្លាកលេខនៅចំណុចកេីតហេតុ។

ក្រោយកេីតហេតុសមត្ថកិច្ចបានចុះមកដល់ចំណុចកេីតហេតុនិងទំនាក់ទំនងទៅជំនាញចរាចរណ៍ជេីងគោករាជធានីភ្នំពេញដេីម្បីមកស្ទូចយករថយន្តទៅរក្សាទុករង់ចាំស្រាវជ្រាវរករថយន្តបង្កចូលខ្លួនមកដោះស្រាយតាមច្បាប់ ៕ សុខាសែនជ័យ