រថយន្តម៉ាកហ៊ីយ៉ាន់ដាយជាប់ហ្រ្វាំងបង្កឲ្យកើតអគ្គិភ័យឆេះយ៉ាងសន្ធោរសន្ធៅ

ខេត្តកំពង់ធំ៖ អគ្គិភ័យឆេះរថយន្តម៉ាកហីុយន់ដាយ (៤ភ្លៅ) ពណ៌សស្លាកលេខ កំពង់ចាម ៣A-៤០១២ ។ ហេតុការណ៍នេះកើតឡើងកើតឡើងកាលពីវេលាម៉ោង០៥និង៣០នាទីទៀបភ្លឺ ថ្ងៃទី៩ ខែធ្នូ ឆ្នាំ ២០១៩ ស្ថិតនៅតាមបណ្តោយផ្លូវជាតិលេខ៦ ចំណុចវាលសរសៃ ភូមិសូយោង ឃុំសូយោង ស្រុកតាំងគោក ខេត្តកំពង់ធំ ។ ម្ចាស់រថយន្តឈ្មោះ ស៊ាង ផាត ភេទប្រុស អាយុ៤៦ឆ្នាំ មានទីលំនៅភូមិក្បាលហុងចាស់ ឃុំល្វា ស្រុកចំការលើ ខេត្តកំពង់ចាម (ដឹកអុសម៉ែត្រ) ។

បើកបរដោយឈ្មោះ ខុន រាជ ភេទប្រុស អាយុ៣៦ឆ្នាំ មានទីលំនៅភូមិចាជ្រុំ ឃុំគឿងរាយ ស្រុកកញ្ជៀច ខេត្តព្រៃវែង ។

មូលហេតុ បណ្តាលមកពីជាប់ហ្វ្រាំង ទើបឆេះខូចខាតរថយន្ដ ឆេះប្រហែល៣០ភាគរយ។ សមត្ថកិច្ចបានដឹងថា រថយន្តអគ្គិភ័យរបស់អធិការដ្ឋាននគរបាលស្រុកបារាយណ៍បានចេញអន្តរាគមន៍ចំនួន១គ្រឿងប្រើប្រាស់ទឹកអស់ចំនួន០១រថយន្តស្មើ និង០៤ម៉ែត្រគូប ប្រើប្រាស់បំពង់ពន្លត់អគ្គិភ័យចំនួន០៣បំពង់ ទើបអាចគ្រប់គ្រងបាននៅវេលាម៉ោង០៦និង៤០នាទី ដោយមានកម្លាំងចុះអន្តរាគមន៍សរុបចំនួន១០នាក់ក្នុងនោះកម្លាំងអធិការដ្ឋាននគរបាលស្រុកតាំងគោកចំនួន០៨នាក់ កម្លាំងអធិការដ្ឋាននគរបាលស្រុកបារាយណ៍ចំនួន០២នាក់ ៕ ប៊ុនរិទ្ធី