សារព័ត៌មាន នគរវត្ត តែងតែនាំមុខគេជានិច្ច
ខេត្តសៀមរាប ៖ សេចក្តីរាយការណ៍ បានឲ្យដឹងថា ល្បែងជល់មាន់តាមប្រព័ន្ធអនឡាញ ភ្នាល់គ្នាដាក់លុយនៅហាងកាហ្វេជាប់នឹងផ្សារថ្នល់ចែក ស្រុកសូទ្រនិគម កើតមានយូរណាស់មកហើយ មិនឃើញសមត្ថកិច្ចខាងណាបង្ក្រាបសោះ ជាពិសេសនោះខុសទាំងស្រុងទៅនឹងច្បាប់ស្តីពីភូមិឃុំមានសុវត្ថិភាព មានទីតាងនៅភូមិថ្នល់ចថ្នល់ចែក ឃុំគៀនសង្កែ ស្រុកសូទ្រនិគម ខេត្តសៀមរាប ។
សេចក្តីរាយការណ៍បានឲ្យដឹងថា កន្លែងជល់មាន់ភ្នាល់គ្នាដាក់លុយយ៉ាងគគ្រឹកគគ្រេងនៅទីនោះធ្វើឲ្យមានការរំខានដល់ប្រជាពលរដ្ឋដែលរស់នៅទីនោះ ដោយមានសំឡេងហ៊ោកញ្ជ្រៀវពីអ្នកញៀនល្បែងទាំងនោះ ដែលមិនខ្លាចរអាចិត្តអ្នកដទៃ ។ ករណីនេះ គឺវាផ្ទុយស្រឡះ នឹងគោលនយោបាយភូមិឃុំមានសុវត្ថភាព ទាំង៩ចំណុចរបស់រាជរដ្ឋាភិបាល ជាពិសេសបទបញ្ជារបស់សម្តេចក្រឡាហោម ស ខេង ឧបនាយករដ្ឋមន្ត្រី និងជារដ្ឋមន្ត្រីក្រសួងមហាផ្ទៃ ដែលបានដាក់បទបញ្ជា បង្ក្រាបបទល្មើសល្បែងស៊ីសងខុសច្បាប់គ្រប់ប្រភេទ ក្នុងមូលដ្ឋានឲ្យបានថមថយនោះ ។
ករណីខាងលើនេះដែរ ពលរដ្ឋសំណូមពរដល់អាជល់អាជ្ញាធរជុំវិញស្រុកសូទ្រនិគមគ្រប់លំដាប់ថ្នាក់មេត្តាចុះមើលករណីនេះផង ។
ទាក់ទិនករណីនេះដែរ លោកវរសេនីយ៍ឯក ទេព ចាន់ណា អធិការនគរបាលស្រុកសូទ្រនិគម បានឲ្យដឹងកាលពីរសៀលថ្ងៃទី១០ខែធ្នូឆ្នាំ២០១៩ថា ករណីខាងលើនេះខាងលោកមិនបានដឹងនោះទេ ហើយលោកក៏បានឲ្យកូនចៅរបស់លោកទៅមើល ហាងកាហ្វេខាងលើនេះឃើញមានលេងពិតប្រាកដមែន ។ លោកបន្តថា បន្ទាប់ពីនគរបាលចុះទៅមើលពួកអ្នកលេងល្បែងទាំងនោះបាននាំគ្នារត់បាត់អស់ ។ លោកបញ្ជាក់ថា លោកបានឲ្យខាងជំនាញនៃស្រុក ហៅម្ចាស់ទីតាំងនោះមកធ្វើកិច្ចសន្យាបញ្ឈប់ ។
លោកឧត្តមសេនីយ៍ទោយ៍ទោ ទិត្យ ណារ៉ុង ស្នងការដ្ឋាននគរបាលខេត្តសៀមរាប បានឲ្យដឹងនារសៀលថ្ងៃទី១០នេះថា បើមានករណីបែបនេះមែនលោកនឹងឲ្យលោក អធិការស្រុកទៅមើល និងអប់រំចំពោះកន្លែងខាងលើនេះ ៕ ប៊ុនរិទ្ធី
