សារព័ត៌មាន នគរវត្ត តែងតែនាំមុខគេជានិច្ច
ខេត្តសៀមរាប៖ កម្លាំងចម្រុះ នៃខេត្តសៀមរាប បានចុះទៅឃាត់គ្រឿងចក្រកាយដីមួយគ្រឿង និងរថយន្តដឹកដីចំនួន៤គ្រឿង ដែលធ្វើសកម្មភាពកាយដី នៅតំបន់ព្រៃលិចទឹកក្នុងសង្កាត់ជ្រាវ យកទៅផាកពិន័យតាមផ្លូវច្បាប់ ។
ប្រតិបត្តិការនេះធ្វើឡើងនៅព្រឹកថ្ងៃទីថ្ងៃទី២១ ខែធ្នូ ឆ្នាំ២០១៩ ស្ថិតនៅខ្នងទំនប់៧៨ ក្នុងភូមិជ្រាវ សង្កាត់ជ្រាវ ក្រុងសៀមរាប ដែលមានការដឹកនាំដោយមន្ទីររ៉ែ និងថាមពល ខេត្តសៀមរាប សហការជាមួយកម្លាំងសមត្ថកិច្ចចម្រុះ និងអាជ្ញាធរមូលដ្ឋាន ។
មន្ត្រីដែលបានចុះទៅឃាត់គ្រឿងចក្រតំប្រតំបន់ខាងលើនោះ នៅមិនទាន់បញ្ជាក់លំអិតចំពោះហេតុការណ៍ទប់ស្កាត់នៅឡើយទេ ប៉ុន្តែត្រូវបានគេដឹងថាបានសម្ភារៈដែលធ្វើសកម្មភាពនោះ ត្រូវបានឃាត់ទុក និងធ្វើកំណត់ហេតុ ។
បើតាមប្រភពបានបង្ហើបថាបថា ម្ចាស់គ្រឿងចក្រ ដែលបានចុះទៅកាយដីរហូតឈានដល់សមត្ថកិច្ចចុះឃាត់នោះ អតីតអាចជាមន្ត្រីនគរបាលអន្តោប្រវេសន៍ នៃស្នងការនគរបាលខេត្តសៀមរាប បច្ចុប្បន្នទំនងជាមន្ត្រីនគរបាលនៅការិយាល័យអក្សរសម្ងាត់ នៃស្នងការនគរបាលខេត្តសៀមរាប ។
មានការលើកឡើងថា ប្រសិនជាមន្ត្រីនគរបាលជាតិមែននោះ ហេតុអ្វីមិនធ្វើការបម្រើប្រជាពលរដ្ឋ និងសង្គម បែរជាទៅរកស៊ីមុខរបរផ្សេងទៅវិញ?
ម្ចាស់គ្រឿងចក្រខាងលើលើ បានអះអាងប្រាប់អ្នកកាសែតថា អត់អីទេបង ព្រោះកាយប្រឡាយដើម្បីប្រយោជន៍រួមហ្នឹង ទាំងប្រជាជន ទាំងយើងមានដីនៅហ្នឹង ដើម្បីធ្វើកសិកម្ម ហើយការធ្វើហ្នឹង បើមានការប៉ះពាល់យើងឈប់ទៅ ហើយយើងអត់មានប្រឆាំងនឹងអ្វីការហាមឃាត់នោះទេ ។
ជាមួយគ្នានេះ សមត្ថកិច្ចដដែល ក៏បានចុះហាមឃាត់គ្រឿងចក្រកាយដីមួយគ្រឿងទៀតផងដែរ នៅខាងលិចកន្លែងកើតហេតុខាងលើ ដោយមានមេការម្នាក់ជិះរថយន្តពណ៌ត្រេអី ពាក់ស្លាកលេខ ខ.ម ។ បច្ចុប្បន្ន សមត្ថកិច្ច កំពុងធ្វើកិច្ចសន្យា អប់រំ និងផាកពិន័យទៅតាមផ្លូវច្បាប់ ។
សូមរម្លឹកថា រណ្ដៅដីកើតមានជាច្រើនកន្លែងនៅភូមិសាស្ត្រតំបន់ព្រៃលិចទឹក នៃក្រុងសៀមរាប ដែលគេដឹងថា មិនមានច្បាប់ទម្លាប់ត្រឹមត្រូវពីមន្ទីររ៉ែ និងថាមពលខេត្តសៀមរាបនោះទេ ៕ ប៊ុនរិទ្ធី
