សារព័ត៌មាន នគរវត្ត តែងតែនាំមុខគេជានិច្ច
ខេត្តឧត្តរមានជ័យ៖ នៅថ្ងៃទី២៣ ខែធ្នូ ឆ្នាំ២០១៩ វេលាម៉ោង ១៦ និង០០នាទី លោកអធិការនគរបាលស្រុក បានចាត់តាំងលោក អនុសេនីយ៍ឯក ស៊ឹម វណ្ណៈ អធិការរង ដឹកនាំកម្លាំងនៃអធិការដ្ឋាននគរបាលស្រុកបន្ទាយអំពិល ចុះល្បាតត្រួតពិនិត្យរដ្ឋបាល នៅតាមគោលដៅ ងាយរងគ្រោះ បានឃាត់ខ្លួនក្មេងទំនើង ចំនួន០២នាក់ ។
សមត្ថកិច្ចបានឲ្យដឹងថា ក្មេងទំនើង២នាក់ ផឹកស្រាស្រវឹងឡូឡា និង បង្ហោះម៉ូតូតាមផ្លូវ ហើយត្រូវសមត្ថកិច្ចយើងឃាត់ខ្លួន ទី១៖ ឈ្មោះ រ៉ា ឆាំងកា ភេទប្រុស អាយុ១៦ឆ្នាំ រស់នៅភូមិគោកមន ឃុំគោកមន ស្រុកបន្ទាយអំពិល ខេត្តឧត្តរមានជ័យ, ទី២-ឈ្មោះ ពឿយ រ៉ាយុទ្ឋ ភេទប្រុស អាយុ១៥ឆ្នាំ រស់នៅភូមិគោកមន ឃុំគោកមន ស្រុកបន្ទាយអំពិល ខេត្តឧត្តរមានជ័យ ដែលបានផឹកស្រាស្រវឹង ស្រែកឡូឡាបង្ហោះម៉ូតូ នៅចំណុចលើខ្នងអាងរហាល ស្ថិតនៅភូមិសឹង្ហ ឃុំគោកមន ស្រុកបន្ទាយអំពិល និងបានដកហូតម៉ូតូចំនួន០២គ្រឿង ម៉ាកឌ្រីម ពណ៌ខ្មៅ ស៊េរីឆ្នាំ២០១៤ និងស៊េរីឆ្នាំ២០១៧ ។ ក្រោយសួរនាំរួច បានធ្វើកិច្ចសន្យាអប់រំ ឲ្យត្រឡប់ទៅមូលដ្ឋានវិញ ចំពោះម៉ូតូ រក្សាទុកនៅអធិការដ្ឋានរង់ចាំអាណាព្យាបាលមកដោះស្រាយ ៕ ប៉ែន នួន
