សមត្ថកិច្ចឃាត់ខ្លួនជនជាតិចិនម្នាក់ ពាក់ព័ន្ធករណីលួច

ខេត្តសៀមរាប៖ ចោរចិនម្នាក់ ត្រូវបានកម្លាំងនគរបាលខេត្តសៀមរាប ឃាត់ខ្លួនបន្ទាប់ពីរូបគេបានធ្វើសកម្មភាពលួចទ្រព្យសម្បត្តិពលរដ្ឋបានសម្រេចនាពេលកន្លងមក ហើយគេចខ្លួនបាត់មួយរយៈ ។

ករណីឃាត់ខ្លួនជនសង្ស័យខាងលើនេះ បានធ្វើឡើងកាលពីវេលាម៉ោង ៣ និង ៣០នាទី ថ្ងៃទី៣០ ខែធ្នូ ឆ្នាំ២០១៩ សមត្ថកិច្ចឃាត់ខ្លួនជនសង្ស័យម្នាក់ ពាក់ព័ន្ធករណីលួច ត្រង់ចំណុចផ្ទះជួល ស្ថិតភូមិគ្រួស សង្កាត់ស្វាយដង្គំ ក្រុង/ខេត្តសៀមរាប ។

ជនសង្ស័យឈ្មោះ LIU FENG ភេទប្រុស ជនជាតិចិន កាន់លិខិតឆ្លងដែនលេខ G៥៣០២៨៥៦៤ ។

បច្ចុប្បន្ន ជនសង្ស័យត្រូវកម្លាំងជំនាញ បញ្ជូនទៅកាន់ពន្ធនាគារខេត្ត ដើម្បីចាត់ការតាមនីតិវិធី៕ ប្រាថ្នា