សារព័ត៌មាន នគរវត្ត តែងតែនាំមុខគេជានិច្ច
ខេត្តរតនគិរី៖ ទីតាំងស្តុកឈើមួយកន្លែងត្រូវបានកម្លាំងជំនាញចុះបង្ក្រាប ហើយបានរកឃើញឈើខុសច្បាប់ជាង១០ម៉ែត្រគូបប្រគល់ឲ្យជំនាញ ។
ការចុះបង្ក្រាបនេះ កម្លាំងជំនាញបានធ្វើឡើងនៅវេលាម៉ោង៤រសៀល ថ្ងៃទី០៤ ខែមករា ឆ្នាំ២០២០ នៅចំណុចភូមិមុយ ឃុំញ៉ាង ស្រុកអណ្តូងមាស ខេត្តរតនគិរី ។
យោងតាមប្រភពពីមន្ត្រី ផ្នែករដ្ឋបាលព្រៃឈើបរកែវ បានឲ្យដឹងថា កម្លាំងកងរាជអាវុធហត្ថស្រុកបរកែវបានចុះប្រមូលរឹបអូសឈើលេខ១សុក្រម(សន្និធិ) នៅចំណុចភូមិ មុយ ឃុំ ញ៉ាង ស្រុក អណ្តូងមាសនេះ ដោយសារគ្មានលិខិតអនុញ្ញាត ចំនួន ៧១កំណាត់ស្មើនិង១១,៣៨៧ ម៉ែត្រត្រីគុណ នៅក្នុងចំការស្វាយចន្ទីមួយកន្លែងដែលគេស្គាល់ថា ម្ចាស់ឈ្មោះសេវ លិក ជនជាតិចារាយ រស់នៅស្រុកអណ្តូងមាស ។
បើយោងតាមប្រភពពីលោកមេភូមិថា រាល់ថ្ងៃកំពុងតែដឹកជញ្ជូនយកទៅផ្ញើទុកបណ្តោះអាសន្ននៅស្នាក់ការសន្តិសុខអាវុធហត្ថ៧៨៧សិន ដើម្បីធ្វើកំណត់ហេតុបញ្ជូនទៅសាលាដំបូងចាត់ការតាមនីតិវិធី ៕ ជីវ័ន្ត
