សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ជនសង្ស័យម្នាក់ត្រូវបាននគរបាលឃាត់ខ្លួនបន្ទាប់ពីធ្វើសកម្មភាពចាប់រំលោភនារីក្រមុំម្នាក់ដែលពិការភាព ថែមទាំងមានសតិមិនប្រក្រតីទៀត កាលពីវេលាម៉ោង០៩:០០ព្រឹក ថ្ងៃទី០៤ ខែមករា ឆ្នាំ២០២០ ភូមិប្រាសាទ សង្កាត់ស្នោរ ខណ្ឌកំបូល រាជធានីភ្នំពេញ ។
ជនសង្ស័យឈ្មោះ ធឹម រ៉ុម ភេទ ប្រុស អាយុ ៣៨ឆ្នាំ ទីលំនៅភូមិទទា ឃុំរាយប៉ាយ ស្រុកកងមាស ខេត្តកំពង់ចាម ។ ជនរងគ្រោះអាយុ ១៩ឆ្នាំ (ពិការភាព និងមានសតិមិនប្រក្រតី) ។
ជនសង្ស័យខាងលើត្រូវបានកម្លាំងជំនាញ នៃអធិការដ្ឋាននគរបាលខណ្ឌកំបូលកសាងសំណុំរឿងបញ្ជូនទៅសាលាដំបូងរាជធានីភ្នំពេញចាត់ការតាមច្បាប់ ៕ សុខាសែនជ័យ
